Presoen eskubideen "urraketa sistematikoa" salatu dute Iruñean
Presoen eskubideen "urraketa sistematikoa" salatzeko protesta egin dute Iruñean; izan ere, Espainiako estatuan ia 8.000 preso zigorra euren etxeetatik urrun dauden espetxeetan betetzen ari dira. Gainera, kaltea are handiagoa da COVID-19aren ondorioz ezarritako neurriengatik.
Salhaketa, Etxerat, Altsasu Gurasoak eta Sare Herritarrak deitu dute protesta, #SOSPresoakCovid19 dinamikaren baitan. Etxetik urrun dauden presoen egoera bereziki penagarria salatu dute, pandemiak senitartekoekin harremana izatea zaildu baitu.
Espainiako estatuan ia 8.000 preso zigorra euren etxeetatik urrun betetzen ari dira, horietatik 184 nafarrak. Azken zenbaki hori marra zuri zabalekin irudikatu dute antolatzaileek oihal beltz baten gainean, Gazteluko plazan.
Megafoniaren bidez grabazio batek kolektiboaren argudioak gogorarazten zituen bitartean, bi pertsonak 184 zenbakiaren inguruan preso nafarren izenak jarri dituzte paperetan. Dozenaka pertsona bildu dira protestan, maskarekin jantzita eta distantziak gordeaz. Euskaraz zein gaztelaniaz idatzitako leloak karteletan erakutsi dituzte, besteak beste, "Hirugarren graduak etxean betetzea" edo "Harreman guztiak berreskuratzea kristalean zein aurrez aurre".
Izenak jarri ondoren, bi pertsonak ohar bat irakurri dute, batek euskaraz eta besteak gaztelaniaz. "Pertsona presoen osasun eta duintasunerako eskubidea, besteak beste, bermatzeko kartzeletan neurriak hartzea beharrezkoa da", azaldu dute.
Espetxeetako neurriek ez dute kaleko deseskalatzearekin bat egin; izan ere, "egun bi senide baino gehiagorekin biltzea ezinezkoa da, aurrez aurreko hitzorduak ez dituzte berreskuratu, kartzela-baimenen itzuleran edo kanpora ateratzeko koarentenak derrigorrezkoak dira eta espetxeko jarduera guztiak ez dira berriz martxan jarri".
Egoera honen aurrean, zigorra etxetik hurbil betetzea presoen eskubide bat dela dio Espetxeen Lege Orokorrak, eta Espetxe Zuzendaritzako Idazkaritza Nagusiari dagokio preso bakoitzak zigorra non bete behar duen zehaztea. Ondorioz, eskubidea gauzatu behar dute, baina "Idazkaritzako datu ofizialek agerian uzten dute pertsona presoen eskubidea sistematikoki urratzen ari direla".
Manifestariak kartelak erakusten, Iruñeko Gazteluko plazan. Argazkia: EFE
Guzti horregatik, alarma egoera bukatuta, Espainiako eta Nafarroako gobernuei, bakoitzak bere esparruan, "lanean hasteko eta neurriak adostu eta martxan jartzeko" eskatu diete. Bereziki, "kartzeletan mantentzen ari diren egoerei epemuga jartzeko" exijitu diete, "eskubideen erabateko urraketa" delako.
200 bat pertsonak hartu dute parte protestan, besteak beste, Bel Pozueta EH Bilduko diputatuak eta Bakartxo Ruiz Nafarroako parlamentariak.
Zure interesekoa izan daiteke
Hauteskundeak dituzte igande honetan Extremaduran, lehen aldiz aurreratuta
890.985 herritarrek dute boto eskubidea: 556.424, Badajozen eta 334.561, Caceresen. Inkesta guztien arabera, PPk irabaziko ditu bozak, baina ez du gehiengo osorik lortuko eta PSOEk zartakoa jasoko du. Voxek eta Unidasek, aldiz, gora egingo dute, betiere inkesten arabera.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.