EH Bilduk eta UGTk lehen bilera ofiziala egin dute
EH Bilduk UGTrekin hasi du uztailaren 12ko EAEko hauteskundeen ondoren iragarri zuen eragile sozial eta politikoekin harremanetan jartzeko bilera erronda, Bilbon.
Koalizio soberanistak ohar batean zehaztu duenez, lehen bilera horren ostean, datozen egunetan Podemos Euskadi eta ELA, LAB eta CCOO sindikatuekin batzartuko da, "egoeraren diagnostikoak kontrastatzeko eta momentuak eskatzen dituen erantzunak partekatzeko".
Gainera, diagnostiko horiek konpartitzeko PSE-EErekin ere "komunikazio bideak irekita" dituztela iragarri du.
Maddalen Iriarte EH Bilduko lehendakarigaiak gogorarazi duenez, "krisi hirukoitz baten aurrean gaude, osasun, ekonomia eta gizarte arlokoa", eta "egoera honetan, elkarlana ezinbesteko baldintza da krisia arrakastaz gainditzeko".
"EH Bilduren jarrera erabatekoa da diagnostiko ezberdinak kontrastatzeko eta erantzunak adosteko, beti ere oso argi izanda irteera ezkerretik etorriko dela, herrialdean gehiengoa garen indar aurrerakoien eskutik", azpimarratu du.
Hausnarketa horretatik abiatuta, Arnaldo Otegik, Unai Urruzunok eta Iriartek osatutako EH Bilduren ordezkaritza batek egingo du bilera erronda.
Lehen bilera ofiziala UGTrekin
Lehendabiziko bilera UGT-Euskadi sindikatuarekin egin dute gaur goizean. Raul Arza sindikatu horretako idazkari nagusiak egin die harrera EH Bilduko bozeramaileei. Batzarra amaitu ostean, Arnaldo Otegik esan du "lehendabiziko bilera ofiziala" izan dela gaurkoa eta horregatik esker ona adierazi die UGTko arduradunei. Ordubete eta erdiz "luze eta zabal" hitz egiteko aukera izan dutela erantsi du.
"Bilera-sorta honen helburua herri honetako eragile sindikalei entzutea eta COVID-19ak eragin du osasun krisia eta krisi sozioekonomikoari buruz egiten dugun diagnostikoa konpartitzea da", azaldu du Otegik.
Aurrerantzean EH Bildu UGTrekin biltzea "normala eta ohikoa" izatea espero duela esan du, "hori baita alternatiba progresista eraikitzeko bidea".
(Arnaldo Otegi, Raul Arza, Maddalen Iriarte eta Unai Urruzuno. Argazkia: EFE)
Alternabita posible de berretsita, PSE-EEri begiratu dio Otegik
EAJk eta PSE-EEk Eusko Jaurlaritza berria osatzeko hasi berri duten negoziazioaren harira, Otegik berretsi egin du "alternatiba ezberdinak" badaudela eta aukera bakarra ez dela aurreko legealdiko ituna errepikatzea.
Ildo horretan, Idoia Mendia buruzagi sozialistari zuzendu zaio: "Gainera datorkigun krisi ekonomiko eta soziala kontuan hartuta, Gobernu neoliberala eratzeko giltza EAJri emango dion eta ezkerreko alternatiba progresistarekin bat egingo duen erabaki behar du".
"Ezkerreko alderdiok 37 eserleku ditugu Legebiltzarrean, eta eskuinak 38 ditu Voxekin, baina ez dugu uste EAJk Voxekin ituna egingo duenik", adierazi du Otegik.
"Ezkerrean 37 gara eta EAJk 31 ditu. Beraz, ezkerra alboratu nahi badu, PPrekin eta Voxekin batu beharko da", ohartarazi du.
Gauzak horrela, "pertsonak babesteko ezkutua" sortu nahi dutenekin bat egiteko deia egin dio EH Bilduko koordinatzaile nagusiak Mendiari.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.