Rajoyren Gobernuko goi-karguak seinalatuta, Barcenasen espioitzaren auzian
Mariano Rajoyren agintaldian (2013-2015), Alderdi Popularrak Polizia politikoa deitutakoa bere mesedetan erabili zuen, Luis Barcenas diruzain ohiak PPren B kutxari buruz izan zezakeen informazioa kentzeko eta ustelkeriari buruzko ikerketa judiziala oztopatzeko.
Kitchen auziko epaileak eta fiskalak egindako ikerketaren arabera, Jose Manuel Villarejo komisarioari agindu zioten ezkutuko polizia-operazio horren ardura. Ikertzaileen arabera, trama horren atzean Jorge Fernandez Diaz Barne ministro ohia, Francisco Martinez Estatuko Segurtasun idazkari ohia eta Maria Dolores de Cospedal PPko idazkari nagusia ohia egon lirateke.
Francisco Martinez Luis Barcenasen kontrako espioitzaren auzian dago inputatuta, eta antzeman dizkioten hainbat mezutan esaten du bera deklaratzera deitzen badute, hurrengoa Jorge Fernandez Diaz izango dela eta litekeena dela azkenean Mariano Rajoyk ere deklaratzera deitzea.
Mezu horiek erabakigarriak izan dira ikerketan, eta Ustelkeriaren Aurkako Fiskaltzak Fernandez Diaz eta Maria Dolores de Cospedal eta haren senarra Ignacio Lopez del Hierro auzipetzea eskatu du, prebarikazioa, sekretuak argitaratzea eta diru publikoa bidegabe erabiltzea egotzita.
EFE agentziak zabaldu duenez, Fiskaltzaren idatzian Martinezek telefono bidez hainbat lagunekin izandako elkarrizketak transkribatuta agertzen dira eta mezu horiek erakusten dute 2013an jarri zutela martxan Kitchen operazioa eta Fernandez Diaz Barne ministro ohiak bazuela horren berri.
Enrique Garcia Castaño komisarioari edo Eugenio Pino Poliziaren zuzendariaren ondokoa zenari ere bidali zizkien mezuak. Barcenasi PPri buruzko informazioa kentzeko agindua eman ziotenek bakarrik utzi zutela eta, bere haserrea agertu zien.
Halaber, Jose Ramon Navarro Auzitegi Nazionaleko presidentearekin ere hitz egin zuen 2019ko ekainean, eta elkarrizketa hartan Rajoy, Fernandez Diaz eta Cospedal "miserableak" direla salatu zuen. "Ministerioan egin nuen akatsik larriena Jorge, Rajoy eta Cospedal bezalako miserableekin leiala izatea izan zen. Eta, zorionez, hori dena oso argi daukat eta oso erraz frogatu ahalko nuke".
2019ko ekainean, berriz, ondoko mezua igorri zion Eugenio Pinori: "GPk (Garcia Castaño) inplikatzen banau, ziurtatzen dizut atzetik JFD (Fernandez Diaz) joango dela eta litekeena da MRk (Mariano Rajoy) ere deklaratu behar izatea".
Horrez gain, Estatuko Segurtasun idazkari ohiaren telefonoan 2019ko urriko ohar bat ere topatu zuen fiskaltzak. Instrukzioak "oso zehatzak" zirela, lehendabiziko aginduak 2013ko uztailean jaso zituela eta "informazioa eskuratzeko esanez egunero presio" egiten ziotela aipatzen zuen. “Esku artean dugun gairik garrantzitsuena da”, esan zion sarritan Fernandez Diazek.
Auzi honetan pertsona erabakigarri bat Sergio Javier Rios Esgueva da, Barcenasen gidaria. Estatuko diru erreserbatuarekin ordaindu zitzaion, informazioa lortzearen truke. Gizon horri aipu eginez ere hainbat antzeman dituzte.
Alabaina, beste mezu askotan auzi honek Mariano Rajoy berari ere eragin diezaiokeelako ohartarazi zuen Martinezek. 2019ko martxoaren 24an, esaterako, hauteskunde zerrendetatik kanpo utzi izana aurpegiratu zion eta ordura arte erakutsi zuen "leialtasuna eta konpromisoa" kontuan hartuta, "bazterrean" ez uzteko galdegin zion Gobernuko presidente ohiari.
Jose Villarejo komisarioari antzemandako elkarrizketetan ere sarritan aipatzen da Rajoyren izena. Hala dio Fiskaltzaren txostenak.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.