Chivite: "Ez dut onartuko Nafarroa eta Madril maila berean jartzea"
Nafarroako presidente Maria Chivitek argi utzi du berak zuzendutako autonomia erkidegoak eta Madrilek ez dutela inondik inora egoera berdina bizi, koronabirusaren pandemiari dagokionez. Datuek erakusten dute Nafarroan 100.000 biztanleko 301 kutsatu direla azken astean; Madrilen, berriz, 352.
"Kasu positiboak atzemateko egiten ari garen lanak ez du Madrilgo autonomia erkidegoan egindakoarekin zerikusirik", adierazi du.
Halere, kutsatze mailak gorako joerari eusten badio, Chivitek ez du baztertzen datozen asteetan neurri zorrotzagoak hartzea: "Dena den, ez dut onartuko Madrilekin parekatzea".
Radio Euskadiko "Boulevard" saioan egin dioten elkarrizketan Azkoienen eta Cintruenigon izandako agerraldiei buruz ere mintzatu da. Gainera, gogora ekarri du Nafarroa dela Estatu osotik biztanleko PCR gehien egiten dituen erkidegoa: 100.000 biztanleko 2.919 test, hain zuzen ere.
Bestalde, begi onez ikusi du Indar Armatuek kontaktuen jarraipenean laguntzea, "edozein laguntza ondo datorkigulako". Hala eta guztiz ere, ez du nahi militarrek aztarnari profesionalen lana ordezkatzea: "Osasun profesionalak kontratatzen ari gara, eta ez dugu horretan aurreztuko".
Aurreikusitakoaren arabera, % 13 jaitsiko da zerga bilketa Nafarroan, alegia duela hilabete batzuk iragarritakoa baino % 7 gutxiago. Albiste hori ona dela nabarmendu du Chivitek, hartutako konpromisoak betetzeko aukera emango dielako. "Ezin dugu inor atzean utzi, aurretik izandako krisitik ikasi dugu hori", azaldu du.
Hartara, Espainiako Gobernuarekin batera 2021erako zorpetze maila zehaztuta, aurrekontuei lotutako gastu muga ezarri ahal izango dugu", bukatu du Chivitek.
Zure interesekoa izan daiteke
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".