Legebiltzarrak uko egin dio ratioak murrizteko eta kontratazioak handitzeko ekimenari
EH Bilduren eta Elkarrekin Podemos-IUren ekimen bati uko egin dio ostegun honetan Eusko Legebiltzarrak; izan ere, eskola bakoitzeko ikasleen ratioak murrizteko eskatu zioten alderdiok Jaurlaritzari, 15 ikasleko kopurua erreferentziatzat hartuta, eta, horretarako, ikastetxeetako langile kopurua handitzea eskatu zuten.
EAJk, PSE-EEk, PPk eta Voxeko legebiltzarkideak atzera bota dute proposamena, eta EH Bilduren eta Elkarrekin Podemos-IUren ordezkariek bakarrik babestu dute.
Legebiltzarreko osoko bilkurak gai hori eztabaidatu du ostegun honetan, EH Bilduk hala eskatuta; izan ere, azken honek Elkarrekin Podemos-IUrekin ekimen bat adostu du azkenean, eta bi alderdiek hainbat neurri proposatu dituzte, COVID-19ak eragindako osasun-krisiaren egungo testuinguruan irakaskuntza presentziala modu seguruan garatu ahal izatea bermatzeko.
Beste proposamen batzuen artean, bi alderdiek Hezkuntza Sailari eskatu zioten ikasgelako ikasleen ratioak murrizteko, erreferentzia gisa 15 ikasle hartuta; horretarako, halaber, ikastetxeetako plantilla handitzea eskatu zuten.
Curriculuma "malgutzea"
EH Bilduren eta E-Podemos-IUren proposamenak ikastetxeetako espazioak "berregokitzea" eta hezkuntza curriculuma "malgutzea" ere eskatzen zuen, ikasleek enborreko gaietan izandako "galera" berreskuratzeko.
Gainera, ikastetxe guztietan jantoki-zerbitzua bermatzeko neurriak eskatzen ziren, baita ikastetxeetan eskola-erizainaren figura ezartzeko behar diren baliabideak bideratzeko ere.
Proposamen horri uko egin ostean, Eusko Jaurlaritza osatzen duten alderdiek (EAJ eta PSE) gehiengo osoa baliatu dute beren ekimena onartzeko, eta, bertan, Jaurlaritzari dei egin diote eskola-jarduera presentzialerako protokoloak "egokitzen jarraitzeko", baita ikastetxeei pandemiak eragindako beharrei aurre egiteko langileak eta baliabide materialak ematen jarraitzeko ere.
EAJren eta PSEren ekimenak, halaber, premia "gehigarriak" izan ditzaketen ikastetxeetan eta ikasleetan "errefortzu espezifikoak" ezartzeko eskatu dio Jaurlaritzari. Gainera, hezkuntza eragileekin "elkarrizketa bultzatzen" jarraitzeko eskatu dio Hezkuntza Sailari.
Eztabaidan zehar, Ikoitz Arrese EH Bilduko legebiltzarkideak Eusko Jaurlaritzari aurpegiratu dio aurrez aurreko eskolen hasiera kudeatzerakoan "presioen" aurrean "erreakzionatzera" edo "inertziak" aurrera eramaten uztera mugatzen ari dela, "azken orduan" bakarrik neurriak hartuz.
Elkarrekin Podemos-IU koaliziotik, Iñigo Martinezek baliabideak eta plantillak handitzeko beharra azpimarratu du, eta ratioak murriztea onartu ez izana aurpegiratu dio Gobernuari, ikasgela bakoitzeko 15 ikasle erreferentzia gisa hartuta.
Zure interesekoa izan daiteke
Rosa Zarra omentzeko plaka jarri du Donostiako Udalak, gomazko pilota batek hildakoaren omenez
Dagoeneko 37 plaka jarri ditu Udalak, "espazio publikoan ikusgarritasuna emateko hirian bizia galdu zuten terrorismoaren eta motibazio politikoko indarkeriaren biktimei".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.