Erkidegoak susperraldiaren "gidari" direla esan dio Urkulluk Von der Leyeni
Iñigo Urkullu lehendakariak Espainiako Gobernuko presidente Pedro Sanchezek deitutako presidente autonomikoen bileran parte hartu du gaur goizean, bideokonferentzia bidez. Bertan, COVID-19ak sortutako egoerari aurre egiteko bideak jorratu dituzte. Europako Batzordeko presidente Úrsula Von der Leyen ere izan da bertan, "Next Generation" Europako Funtsen irizpide eta ildo nagusiak partekatzeko.
Urkulluk Ursula Von der Leyeni adierazi dionez, autonomia-erkidegoak dira koronabirusaren pandemiak eragindako krisiaren osteko susperraldiaren "gidari", nahiz eta EBko estatu kideak Next Generation funtsetara sartzeko atea izan.
Halaber, lehendakariak EBren barruko "elkarlaneko gobernantza eta subsidiaritatea" babestu ditu, eta "argitasun handiagoa" eskatu du hautaketa-irizpideei eta Europako funtsen kudeaketa partekaturako tresnei dagokionez.
Horiek izan dira Urkulluren hitzaldiaren ardatz nagusiak, Pedro Sanchezek COVID-19aren hedapena geldiarazteko alarma-egoera deklaratu ostean, astelehen honetan, bideokonferentzia bidez, erkidegoetako ordezkari nagusien bileran.
Ursula Von der Leyen Europako Batzordeko presidentea ere bertan izan da, eta Euskadi eredutzat jarri du berrikuntzaren alorrean. Horren aurrean, Iñigo Urkulluk uste du "pizgarri" bat dela Euskal Autonomia Erkidegoko ekoizpen eta industria sarea "modernizatzen eta inbertitzen jarraitzeko".
Lehendakariak sare sozialetan eman du Europako Batzordeko presidenteak foro honetan "Euskadi Basque Country"ri buruz egin duen aipamenaren berri, izan ere, "berrikuntzaren eta teknologia berrien arloko eredu" gisa jarri du.
"Errekonozimendu hau pizgarri bat da gure ekoizpen eta industria sarearen modernizazioan inbertitzen eta laguntzen jarraitzeko. Gure helburua Next Generation EU funtsak izatea da, enplegu-aukerak sortzen laguntzeko ", azaldu du.
Gainera, erakunde publiko guztiek partekatzen duten "misioa" dela esan du, eta lankidetza publiko-pribatuaren eredua erabiliko dutela gaineratu du. "Euskadi berdeago, digitalago eta inklusiboago baten alde lan egiten jarraituko dugu", adierazi du.
Albiste gehiago politika
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".