Josu Bergarak Sestaoko Alkatetza utzi du, Aldundian postu bat hartzeko
Josu Bergarak dimisioa aurkeztu du Sestaoko alkate gisa, 10 urteren ostean (azken seiak, gehiengo osoarekin). Sortu berri den postu bat hartuko du Bizkaiko Foru Aldundian, Tokiko Administrazioko zuzendari orokorrarena.
EAJk Bergararen ordezkoa izendatu arte, Ainhoa Basabe alkateordea izango da jarduneko alkatea.
Datorren astearteko (hilak 20) osoko bilkuran gauzatuko da dimisioa, eta, Aldundiak baieztatu duenez, Bergara egun berean sartuko da Foru Erakundean. Tokiko Administrazioko zuzendari nagusi gisa hasiko da, Herri Administraziorako eta Erakunde Harremanetarako Sailak sortu berri duen Zuzendaritzan. Bere egitekoa udalerriekin lana eta hurbiltasuna indartzea izango da.
Bergarak agertu duenez, "ez da erabaki erraza izan Udala uztea, baina Unai Rementeriaren lantaldean hastea erronka pertsonal eta profesional handia da, eta oso ilusio dosi handia".
Sestao uzteak "pena handia" ematen diola aitortu du, baina "Bizkaiaren alde lan egitea nire herriaren alde lan egitea ere bada, beraz, nire herrikideak oso lasai egon daitezke, oso hurbil egoten jarraituko dut eta".
Lanpostu berriaren inguruan, Bergarak adierazi du ondo ezagutzen duela "udalerriko bizitza, udal baten egunerokotasuna, horren arazo eta beharrak, eta espero dut nire esperientzia eta gogoa ekartzea Aldundia eta alkateak are gehiago hurbiltzeko, elkarlanean are gehiago aritzeko".
Bestalde, Bizkaiko Foru Aldundiko ahaldun nagusiak Bergararen itzulerak foru-erakundea indartu egingo duela nabarmendu du, bertan Berdintasunerako eta Herritarren Eskubideetarako zuzendari nagusia izan baitzen 2009 eta 2011 artean.
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.