"Preso eta erbesteratuak erabat aske geratzeko" konpromisoa azaldu du Aragonesek
Pere Aragones Kataluniako presidente berriak nabarmendu duenez, "preso eta erbesteratuak erabat aske geratzeko" konpromisoa du, baita Kataluniaren independentzia lortzeko ere.
Aragonesek Kataluniako Gobernu berriko 14 kontseilarien kargu hartze ekitaldian egin ditu adierazpenak, Generalitateko jauregian.
Presidente karguaz jabetzeko ekitaldian ez bezala, gaur aipamen zehatza egin die Generalitatean bere aurretik ibilitakoei: "Urriaren 1eko erreferenduma tarteko, batzuk kartzelan daude, beste batzuk erbestean".
Horien lekukoa hartu dutenei, kontseilari berriei alegia, "etenik gabe lan egitea" eskatu die "denontzako ongizatezko etorkizun baten alde", baina baita, "Estatuarekin dugun gatazkari autodeterminazio eskubidea eta amnistia baliatuz bide ematea ere".
Zortzi emakume eta sei gizon gobernu berrian
Aragonesek berak nabarmendu duenez, emakumeak dira nagusi Kataluniako Gobernu berrian (zortzi eta sei, hurrenez hurren). Juntsek proposatuta, Jordi Puignero (albiste honekin batera doan argazkian) izango da presidenteorde eta Politika Digital eta Azpiegitura kontseilaria. Laura Vilagra ERCko buruzagi eta Aragonesen 'bigarrenak', bestalde, Presidentetza Kontseilaritza hartuko du bere gain.
Junts per Catalunyak proposatutako kontseilarien hauek daude: Jaume Giro Ekonomia eta Ogasun kontseilaria izango da, Josep Maria Argimonek, aldiz, Osasunaren ardura hartuko du eta Victoria Alsina Generalitateak AEBn zuen ordezkariak, berriz, Atzerri Ekintza eta Gardentasun Kontseilaritzarena.
Halaber, orain arte Juntsen bozeramaile parlamentarioa izan dena, Gemma Geis, Ikerketa eta Unibertsitate kontseilari izango da aurrerantzean eta Lourdes Ciuro diputatu ohi eta PDeCATeko buruzagi izandakoa Justizia Kontseilaritzaren buru jarri dute. Azkenik, Violant Cervera Eskubide Sozialen kontseilari izendatu dute.
ERCk proposatutakoen artean, honakoak daude: Joan Ignasi Elena Barne kontseilari gisa, Roger Torrent Kataluniako Parlamentuko presidente ohia Enpresa eta Lan kontseilari bezala, eta Teresa Jorda Ekintza Klimatikoa, Nekazaritza eta Elikadura Kontseilaritzaren buru.
Hezkuntza Departamentua gidatzeko Josep Gonzalez-Cambray aukeratu du Aragonesek, eta Kulturan, Natalia Garriga. Azkenik, Feminismoen eta Berdintasun Kontseilaritzarako Tania Verge independentea izendatu dute.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.