Aragonesek Generalitateko presidente kargua hartu du
Pere Aragonesek Kataluniako Gobernuko presidente kargua hartu du arratsalde honetan Generalitatearen Jauregian egindako ekitaldian. Quim Torraren eskutik jaso du presidentearen domina. Gobernu berria zortzi emakumek eta sei gizonek osatuko dute. Bihar jakinaraziko dituzte izenak.
Ekitaldia aire librean egin dute, Generalitateko Jauregian, eta han izan dira, besteak beste, Oriol Junqueras, Jordi Sanchez eta Jordi Cuixart preso dauden buruzagi independentistak, espetxetik ateratzeko baimena lortu eta gero.
Halaber, JxCatetik Laura Borras, Albert Batet eta Elsa Artadi izan dira. Espainiako Gobernuaren izenean Miquel Iceta Lurralde Politikako ministroa joan da. Salvador Illa PSCko buruzagia, Kataluniako Parlamentuko beste hainbat ordezkari eta Ada Colau Bartzelonako alkatea ere han izan dira.
Vox, Ciudadanos eta PPCko ordezkariek uko egin diote ekitaldian parte hartzeari.
Amnistia, autodeterminazioa eta errepublika
Presidente moduan egin duen lehen hitzaldian, Aragonesek esan du aro berri bat ireki nahi duela, Katalunian "eraldaketa soziala, berdea, feminista eta demokratikoa" gauzatzeko, amnistia eta autodeterminazioa lortzeko eta Errepublikaren bidean urratsak sendoak emateko.
Herritar guztien ongizatea bermatzea izango duela helburu eta bide horretan atzean inor utziko ez duela agindu du, Kataluniak maila guztietan "egoera zaila" bizi duela aitortuta.
Quim Torra presidente ohiari esker ona adierazi dio, "garai oso zailetan emandako denagatik", baina orain aro berri bat lehenbailehen abiatu beharra dagoela azpimarratu du.
"Minik hartzeko beldurrik gabe, lan egiteko unea da eta bidean topatuko ditugun oztopoak gainditzeko prest egon behar dugu", adierazi du Kataluniako Gobernuak krisi ekonomiko, sozial eta politiko bati aurre egin beharko diola gogoratuz. "Ongizate estatua indartzea da benetako iraultza", erantsi du.
Horrez gain, Kataluniaren askatasunaren eta justizia sozialaren alde lan egingo duela eta "herritarren zerbitzura" egongo dela agindu du.
Zure interesekoa izan daiteke
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.