Gerra Zibileko gudariak, milizianoak eta emakumeak omendu dituzte Bilbon
Gerra Zibileko gudariak, emakumeak eta milizianoak omendu dituzte gaur Bilbon, Aterpe 1936 elkarteak deitutako ekitaldian. Bertan, ordezkari politikoak eta instituzionalak, kolektibotako kideak eta memoria historikoaren alde lan egiten duten elkarteetako ordezkariak izan dira.
Memoria historikoaren aldeko ekitaldian parte hartu dute Sabino Arana Fundazioak, Eusko Lurrak, Ramon Rubial Fundazioak, Manu Robles-Ajangiz Institutuak eta Fundación de Estudios Libertarios Anselmo Lorenzok. Gainera, ELA-STV, UGT eta CNT sindikatuetako ordezkariak eta PNV, PSE, EH Bildu, Elkarrekin Podemos, ANV eta PCE-EPK alderdietako kideak ere bertan izan dira.
Omenaldian, "Euskadiko Gobernuaren mandatupean, askatasunaren eta demokraziaren alde dena eman zuten gizonak eta emakumeak" goratu dituzte, faxismoaren kontrako borrokan izan zuten funtsezko papera azpimarratuz.
Iñigo Mancisidorrek eta Irene Eubak komunikatu bat irakurri dute, Aterpe 1936en izenean. Guda Zibileko biktimak gogoratzeaz gain, hausnarketarako eguna dela azaldu dute: "Historia errepikatzen ari da eta faxismoa ez genuen orduan garaitu, oraindik bizirik dirau. Memoria behar dugu, aurretik borrokatu zirenei lekukoa hartzeko".
Ildo beretik, salatu dute "tiraniak, erbesteratuak eta intolerantziak" ez direla iraganeko kontuak, gaur egun "edonon" ikus daitezkeelako. Horien kontrako borrokatzeko beharra azpimarratuz itxi dute diskurtsoa.
Albiste gehiago politika
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.