Torturetan izan duten ardura onartzeko eskatu die Foro Sozialak gobernuei
"Oso positibotzat" jo du Foro Sozialak atzo Eusko Jaurlaritzak Bilboko Euskalduna Jauregian polizia indarkeriaren biktima izandako 35 lagun omentzeko antolatutako ekitaldia, baita Balorazio Batzordeak egindako lana ere: "Ekimen guztiz beharrezkoa da, eta Estatuko indarkeriaren biktima batzuen aitortza publikoan eta ofizialean aurrera egin da. Horrez gain, giza eskubideen urraketa horiek konpontzeko bidean jarri ditu".
Gauzak horrela, eragile askoren lanari esker, "ekainaren 26a konponbidearen agendan gorriz markatuta geratu da", adierazi du plataformak komunikabideetara bidalitako oharrean.
Bake Prozesua Indartzeko Foro Sozialaren iritziz, torturaren biktimei dagokienez, "adostasunak eraikita daude. Hainbat hamarkadatan Estatuaren biktimen sufrimendua areagotzen eta babesgabetasunean sakontzen zuten susmoekin amaituko da guztion lanari esker".
Erreparazioaren bidean zein elkarbizitza demokratikoaren eraikuntzan aurrera egiteko, bi gauza eskatu ditu Foroak: batetik, "torturaz baliatu diren Estatuko Segurtasun Indarren erantzukizuna izan duten gobernuei, jardunbide horretan duten erantzukizuna beren gain hartzeko", eta, bestetik, "gure herriko eragile instituzional eta politikoek berariazko konpromisoa har dezatela torturaren biktimak dagozkien eskubideez hornitzen jarraitzeko".
Horren esanetan, azken aste hauetan atzerapauso batzuk eman dira Estatuaren biktimen tratamenduari dagokionez, eta hori arrazoitzeko "biktima ezberdinen inguruan hartutako erabaki judizialak, erakundeek biktimen talde ezberdinei emandako erantzunak, Gasteizko Memoriaren Zentroak izandako kritikak eta zenbait politikarik egindako adierazpenak" aipatu dituzte.
4.113 kasu jaso zituzten EAEn torturari buruz egindako txostenean
Bestalde, Foro Sozialak gogorarazi du Eusko Jaurlaritzaren agindupean Euskal Herriko Unibertsitateko Kriminologiaren Euskal Institutuak egindako txostenean, sinesgarritasun "sendoa", "oso sendoa" edo "bereziki sendoa" eman ziela Guardia Zibilak, Polizia Nazionalak eta Ertzaintzak 1960 eta 2014 bitartean egindako 4.113 tortura kasuri. Istanbulgo Protokoloaren aplikazioan oinarritu zen azterlana, eta datuhori benetako datuaren azpitik egon liteke, txostenak berak jaso duenez.
Hala ere, 103 tortura kasu bakarrik onartu dira ofizialki orain arte: epai judizial bidez gutxi batzuk eta Eusko Jaurlaritzaren 107/2012 Dekretuan beste batzuk. Kopuru horri 12/2016 Legearen baitan atzo aitortutako lehen 35 tortura-kasuak gehitu behar zaizkio orain.
Horren aurrean, biktima hauek "egiarako, justiziarako eta erreparaziorako duten eskubidea" aldarrikatu du Foro Sozialak.
Zure interesekoa izan daiteke
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.