Mendiak Urkulluri eskatu dio joan dadila erkidegoetako presidenteen biltzarrera
Idoia Mendia PSE-EEko idazkari nagusi eta Eusko Legebiltzarreko bigarren lehendakariordeak Iñigo Urkullu lehendakariari eskatu dio datorren ostiralean Salamancan egingo den Presidenteen Konferentzian parte har dezan, euskal herritarren interesak defendatzeko. Goi-bileran Europako Funtsei buruz hitz egingo da eta Mendiak, iradoki dio, foroan aurkez ditzala, egoki ikusten badu, Pedro Sanchezen Gobernuarekin izan ditzakeen desadostasunak.
Salvador Illa Kataluniako Parlamentuko Talde Sozialistako presidentearekin eta PSCko Antolakuntza idazkariarekin bildu ostean Bilbon komunikabideen aurrean egin duen agerraldian, Mendiak nabarmendu du autonomia erkidegoetako presidenteei zuzendutako bilera izaten dela. Horregatik, espero du
Hori dela eta, Lehendakaria Presidenteen Konferentzian egotea espero duela esan du, "euskal herritarren interesak bertan defenda daitezkeelako egokien; baita, Pedro Sanchezen Gobernuarekin eskumenen gaian edo bi gobernuen arteko harremanen inguruan izan ditzakeen desadostasunak adierazi ere".
Funts europarrak
Gainera, bilera horretan "Euskadiren etorkizunerako garrantzitsuak diren gaiak" eztabaidatuko dituztela gogorarazi du, hala nola, Europako Funtsak. "Beraz, oso interesgarria iruditzen zait Lehendakaria datorren ostiralean Konferentzia horretara joatea", gaineratu du.
Ildo horretan, Illarekin batera esan du "aldebiko harremanek ez dituztela alde anitzekoak oztopatzen". Mendiaren arabera, "azken hilabete hauetan, bi urte hauetan, gobernantzak eta maila anitzeko gobernantzak herritar guztientzat eta gobernu autonomikoentzat mesedegarri direla ikasi dugu".
Iaz, Urkullu lehendakariak azken unean erabaki zuen erkidegoetako presidenteen hitzordura joatea, Kontzertuaren Batzorde Mistoa deitu arte uko egin ostean.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.