Aniceto Agirrebeitia miliziano eta okin berriztarrari Elgoibarreko hilerrian lur eman diote
Aniceto Agirrebeitiaren gorpuzkiak haren senitartekoei eman dizkiete asteazken honetan, Elgoibarko (Gipuzkoa) Olaso hilerrian egindako ekitaldian. Hilerriko Duintasunaren Kolunbarioan lur eman diote. Gerra Zibileko biktimaren gorpuzkiak 2020ko abenduan deshobiratu zituzten.
Aniceto Agirrebeitiaren gorpuzkiak jaso ondoren, senitartekoek hilerriko nitxo batean utzi dituzte, Gerra Zibileko beste 58 biktimaren ondoan.
Aniceto Agirrebeitiaren gorpuzkiak iragan udan aurkitu eta abenduan hobitik atera zituzten Bizkargi mendian, Zornotzan (Bizkaia).
Gorpuzkien ondoan identifikazio plaka topatu zuten, 58.331 zenbakiarekin. Euskal armadako agiriei esker, Aniceto Agirrebeitia Lazpita Berrizko (Bizkaia) okin eta borrokalaria Esteban Salsamendi gudarosteko milizianoa zela identifikatu zuten. Euskadiko Alderdi Komunistako (EPK) kidea 1937ko maiatzaren 16an hil zuten, 26 urte zituela.
Bizirik dauden senideak aurkitu ondoren, DNA laginak aztertu eta biktima identifikatu zuten.
Beatriz Artolazabal Berdintasun, Justizia eta Gizarte Politiketako sailburuak azpimarratu duenez, "Euskadiren memoria historiko eta demokratikoa berreskuratzeko ematen diren pausoak", "elkarbizitza eraikitzeko" aurrerapausoak ere badira.
Jose Antonio Rodiguez Giza Eskubide, Memoria eta Lankidetza sailburuordeak eta Aintzane Ezenarro Gogora Institutuko zuzendariak Artolazabal lagundu dute ekitaldian. "Hurbiltasuna eta maitasuna" helaraztea erakundeen "betebehar" bat dela esan die sailburuak Agirrebeitiaren senitartekoei, "zortzi hamarkada baino gehiago" pasa direlako Elgoibarren lurperatu ahal izateko.
"Aniceto bezalako pertsonei duintasuna emateko lanean" laguntzeagatik "harro" agertu da Artolazabal, "demokraziaren defentsan borrokatu zirelako".
46 deshobiratze 2001etik
2001etik 46 deshobiratze aurrera eraman dituzte Euskadin. Guztira, 110 biktimaren (108 gizon eta 2 emakume) gorpuzkiak berreskuratu dituzte, horietako 27 soilik identifikatu ahal izan dituzte.
Hobitik atera dituzten biktima gehienak, 70, milizianoak ziren, baina judizioz kanpoko 26 exekutatu eta preso zeuden beste 14 pertsona ere berreskuratu dituzte.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.