Lehendakaria presidenteen biltzarrean izango da, Kontzertuaren batzorde mistoa deitu ondoren
Iñigo Urkullu lehendakaria erkidegoetako presidenteen biltzarrera joango da azkenean, ostegun honetarako Kontzertu Ekonomikoaren batzorde mistoa deitzea lortu ondoren, zenbait zerga adosteko helburuarekin.
Urkullu Arabako Teknologia Parkean izan da, Gasteizen. Salamancako bileran parte hartzeko erabakiaren berri eman du bertan. Batzorde mistoa deitu ostean, eta batzarrean eztabaidatu beharreko gai "garrantzitsuak" kontuan hartuta, besteak beste, covid-19 pandemiaren egoera, txertaketa prozesua eta Europako funtsak, joatea erabaki du EAEko buruzagiak.
Eneko Andueza eta Idoia Mendia sozialistek Urkulluk goi-bilera horretan parte hartzearen "garrantzia" azpimarratu dute aste honetan, "euskal herritarren interesak defendatzeko". Are gehiago, adierazi dute, kontutan hartuta "Euskadiren etorkizun hurbilerako oso garrantzitsuak diren gaiak" jorratuko direla.
Bere aldetik, Generalitateko presidente Pere Aragonesek baieztatu du ez dela Konferentzian izango. Horren harira, Patricia Plaja Kataluniako Gobernuko bozeramaileak gogoratu du Generalitateko presidenteak Pedro Sanchez Gobernuko presidentearekin duen harremana "aldebikoa" dela, "ez aldeaniztuna".
Kontzertuaren batzorde mistoa
Adostutako batzorde mistoaren bileran, Urkulluk azaldu duenez, hitz egingo dute transakzio digital gisa edo, Europak hala aginduta, Espainiako Gobernuak ezarritako zerga batzuen inguruan.
"Kasu honetan, Kontzertu Ekonomikoari dagokionez, guztiz beharrezkoa zen EAEko Administrazioarekin adostea, Eusko Jaurlaritzarekin edo aldundiekin, horiek baitira batzorde horretan ordezkaritza dutenak", gaineratu du.
Aldebikotasuna
"Iaz bizi izan genuen antzeko egoera da oraingoa, Presidenteen Konferentzia egiteko bezperan", onartu du, eta ministro berriekin osatutako Gobernu berriari eta presidenteari eskatu die "aldebikotasunaren interpretazioa beste modu batean landu dezatela".
"Iaztik gaurdaino" aldebikotasun hori nola landu den deitoratu ostean, jarrera hori aldatzeko eskatu du lehendakariak. Hori dela eta, "Kontzertu Ekonomikoari errespetua" azpimarratu du batzorde mistoa osatzeko akordioarekin, eta "Gernikako Estatutua betetzeke" dagoela gogorarazi du.
Hori dela eta, transferitzeke dauden gaiak Isabel Rodriguez Espainiako Gobernuko bozeramaile eta Lurralde Politikako ministroarekin berriro martxan jartzea espero du.
Zure interesekoa izan daiteke
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenetan aurrera egiteko. Maria Ubarretxenak espero du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, Eusko Legebiltzarrean eta euskal hiriburuetan egingo diren ekitaldi instituzionalekin
Memoriaren Eguna ospatuko da gaur, terrorismoaren eta indarkeriaren biktimak oroitzeko hainbat ekitaldi instituzionalekin. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak eguerdian Gasteizen antolatu duten ekitaldi nagusia izango da.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".