Guardia zibilek onartu dute une batzuetan bakarrik ibili zirela miaketak egiten abokatuen bulegoetan
Espainiako Auzitegi Nazionalean, 13/13 sumarioaren epaiketak etena izango du datorren irailera arte. Horrela, seigarren auzi-saioa amaituta, irailaren 7an berrekingo diote epaiketari. Seigarren auzi-saioan deklaratu duten guardia zibilek onartu dute, une batzuetan bakarrik ibili zirela miaketak egiten auziperatutako abokatuen bulegoetan.
Onartu dute bertaratu ziren seitik gora agenteen artetik, batzuk idazkari forentsearen zaintza gabe aritu zirela bulegoetan, sarrera/irteera erregistroak sinatu gabe zenbait kasutan. Horrek, heldulekua ematen dio defentsari, prozedura irregularra izan zela frogatzeko.
Jon Enparantza eta Iker Sarriegiren bulegoetan dirua (9.000 euro) eta ezkutatutako dokumentuak aurkitu zituztela ziurtatu dute miaketetan parte hartu zuten guardia zibilek.
Bestalde, Enparantzak Donostian David Plarekin egin zuen ustezko bileraz, agenteetako batek esan du ezin izan zutela frogatu pertsona hori Pla bera zenik; ezin izan zutelako argazkirik egin, eta dakiten guztia beste agente batek kontatutakoa omen dela.
Bertsio ezberdinak
Frantziako eta Espainiako polizien bertsioak bat ez datozela ere agerian gelditu da, izan ere, Bordele inguruan ustez abokatuei atzemandako dokumentuei esker aurkitutako zuloaren azterketari dagokionez, ziurtatu dute Guardia Zibilaren kide batek gutxienez parte hartu zuela, nahiz eta jendarmeek ezeztatu egin zuten hori.
Gainontzean, ukatu egin dute, CNI Espainiako inteligentzia zerbitzuetako kide direnik, baina onartu dute espainiar inteligentziak helarazitako informazioa erabili izana ikerketarako.
Albiste gehiago politika
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".