Josu Urrutikoetxea absolbitu dute Frantzian haren aurka irekitako lehen auzian
Pariseko Zigor Auzitegiak absolbitu egin du Josu Urrutikoetxea ETAko buruzagi historikoa 2011 eta 2013 urteen artean erakunde armatuko kide izatetik.
Aretoko hiru epaileek uste dute ez dagoela ez elementu materialik ezta intentzionalik ere Urrutikoetxea, epe horretan, talde armatuko kide zela frogatzeko.
Frantziako Fiskaltzak bost urteko kartzela-zigorra eskatzen zuen harentzat; izan ere, akusatuak esaten zuenaren kontra, fiskalaren ustez Urrutikoetxeak ez zion ETAko kide izateari utzi, Urrutikoetxeak berak 2018ko maiatzean ETAren desegitea iragarri zuen arte.
Frantziako Justiziak uste du ez dagoela inongo frogarik 2011 eta 2013 artean ETAko kide izan zela frogatzen duenik, eta, horrez gainera, frogatutzan eman du akusatua Norvegian zegoela epealdi horretan, bake prozesuaren lehen urratsak ematen. Hori, ETAko kideekin harremanetan egotearekin batera, ezin da izan, epaimahaiaren arabera, ETAko kide izatea leporatzeko froga.
Frantziako Justiziak Urrutikoetxearentzat espetxe onurak adostu eta hiru astera eman dute erabakia, abuztuaren 13tik behin-behineko askatasunean eta eskumuturreko telematikorik gabe bizi baita. Kontrol telematiko hori kendu arren, akusatuak kautelazko neurriak ditu oraindik, eta, beraz, astean hiru aldiz aurkeztu behar da polizia-etxean.
ETAko buruzagi politiko ohia baldintzapeko askatasunean dago 2020ko uztailaren amaieratik, eta beste epaiketa bat du Frantzian, 2002 eta 2005 artean ETAko kide izatea leporatuta, irailerako aurreikusten da epaiketa hori eta horren ostean erabaki beharko du Frantziak presoa espainiaratzen duen ala ez.
Izan ere, Urrutikoetxeak bi auzi ditu zabalik Espainian. Alde batetik, 1987an Zaragozan Guardia Zibilak kuartel-etxean egindako atentatuan parte hartzea leporatzen diote; hamaika lagun hil ziren atentatuan, tartean sei haur. Auzi horrek aurrera darrai, Ismael Moreno Auzitegi Nazionaleko Instrukzioko 2. zenbakiko Epaitegi Zentraleko epaileak atzera bota baitzuen apirilean Urrutikoetxearen defentsaren helegitea. Bestalde, ETA herriko tabernen bidez finantzatzearen auzia ere zabalik du.
2019ko maiatzean Frantzian izandako atxiloketaren ondoren, Auzitegi Nazionalak hura entregatzea eskatu zuen lau arrazoirengatik, horietako bat 2006ko Barajasko atentatuagatik, baina Frantziak baztertu egin zuen entregatzea, zehaztasun faltagatik. Bestalde, Santiago Pedraz Auzitegi Nazionaleko epaileak maiatzean baliogabetu egin zuen auzitegi horrek Frantziari Josu Urrutikoetxea ETAko buruzagi ohia entregatzeko eskatu zion lau prozesamenduetatik bigarrena, 2005eko epaiketan frogatutzat jo baitzuen Urrutikoetxea ez zela ETAko kide Luis Maria Hergueta Guinea Michelineko zuzendaria hil zutenean, 1980an; haren hilketa leporatzen zioten.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABen idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleok oso kritiko mintzatu dira Jaurlaritzarekin, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.