Urrutikoetxeak gatazkaren ondorioei heltzeko eskatu die Madrili eta Parisi
Josu Urrutikoetxea ETAko buruzagi ohiak gaur esan du Euskal Herriko "gatazkaren ondorioak" konponbidetik urrun daudela, eta horretarako nazioarteak eta gizarte zibilak Espainiako eta Frantziako gobernuei presioa egin behar diela.
Frantziako Asanblada Nazionaleko zenbait parlamentarik gaur antolatu duten hitzaldi sorta telematikoan hitz egin du Urrutikoetxeak, eta azpimarratu du ETAren aldebakarreko pausoekin (2011n indarkeria uztea eta 2018an desegitea), "gatazkaren ondorioak konpontzeko bide horren helmugara" iritsi zirela.
Konponbidea burura eramateko "biktima guztien errekonozimendua eta konponketa, presoekin, erbesteratuekin eta deportatuekin lotutako gaiak argitzea, eta gertakariak errepika ez daitezen baldintzak sortzea falta da", bere esanetan.
"Etsaiarekin bakeak egiteak, zoritxarrez, ez du esan nahi gatazkaren konponbidea erabatekoa denik", gaineratu du ETAko kide ohiak, 2019an, 17 urtez ezkutuan egon ostean, atxilotu eta 2020tik baldintzapeko askatasunean Parisen dagoenak.
Urrutikoetxearen ustez, "gatazkaren ondorio guztiak amaieratik urrun" daude, horretarako nazioartearen eskuhartzea eta gizarte zibilaren ekintzak behar direlako, "Espainiako eta Frantziako gobernuak onar dezaten gatazka gainditzen eta guztientzat justua eta iraunkorra izango den bakea ziurtatzea ahalbidetuko luketen gaiak jorratzea".
Era berean, esan du ezin dela "herri bat eraiki gorrotoan eta mendekuan oinarrituta", eta ezin direla "biktimak alderdikeriaz erabili".
Aitortu du "indarkeriaren zurrunbiloak" sufrimenduarekiko sentiberatasuna kendu ziela, eta ETAren amaiera "beranduegi" iritsi zela.
"Indarkeriak atzeraezinezko kaltea egin du eta biktimak utzi ditu bi aldeetan, eta behar-beharrezkoa da guztiok onartzea", azaldu du.
"Etsaiekin hitz egitea" izeneko mahai-inguruaren antolatzaile nagusia Sebastien Nadot diputatua izan da, Emmanuel Macronen alderdikide eta Asanblada Nazionaleko Atzerri Gaietarako batzordekoa.
Gatazka armatuak konpontzeko arazoak jorratu ditu Nadotek aspalditik, eta adierazi du "zalantzarik gabe" gaitzesten duela "edozein borroka politiko armatu", baina gaur egun babesgabetasun egoeran daudela negoziazioetan aritzen diren pertsonak.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.