Mendiak PSE-EEren buruzagitza utziko du
Idoia Mendiak iragarri du ez dela PSE-EEko idazkari nagusi izateko primarioetara aurkeztuko. Alderdiak azaroaren 20an eta 21ean egingo du kongresua.
Edonola ere, EAJk eta Euskadiko Alderdi Sozialistak koalizioan osatzen duten Eusko Jaurlaritzan jarraituko du, lehendakariorde eta Lan sailburu gisa.
Idazkaritza nagusia uzteko erabakia duela urtebete hartu zuela eta Pedro Sanchezi orduan jakinarazi ziola azaldu du, PSE-EEren Batzorde Nazionalak arratsalde honetan Bilbon egin duen bileran.
Mendia 2014an izendatu zuten PSE-EEko idazkari nagusi. Patxi Lopezek utzitako lekua hartu zuen eta Euskadiko Alderdi Sozialista zuzendu duen lehen emakumea da.
Alderdi Sozialistaren baitan ziurtzat ematen dute Eneko Anduezak idazkari nagusi izateko hautagaitza aurkeztuko duela eta bera izango dela buruzagi berria. Egun, PSE-EEren Gipuzkoako arduraduna eta Eusko Legebiltzarreko bozeramailea da.
Mendiak hunkituta eta begietan malkoak zituela eman dizkie eskerrak urteotan ondoan izan dituen kolaboratzaileei eta nabarmendu du beretzat "ohore handia" izan dela idazkari nagusia izatea.
Erabakia "pertsonala eta politikoa" dela adierazi du. "Politikagintzan denborak eta momentuak oso garrantzitsuak dira eta nik erreleboa ematea aukeratu dut, bestela eginda alderdia kaltetzea izango litzatekeelako", azaldu du.
"Aurkeztu nintzenean ekarri nuen proiektua bete dut, orduan eman nuen hitza bete dut, eta orain lidergo berri bat behar da alderdia datozen urteetan zuzentzeko", ziurtatu du.
"Erabakia zuena da eta aukeratzen duzuen hautagaiak nire babesa eta leialtasuna izango ditu", agindu du.
Euskadiko Alderdi Sozialista zuzentzeko hautagaitzak aurkezteko epea irailaren 27ra arte luzatuko da eta primarioak urriaren 30ean egingo dituzte.
Zure interesekoa izan daiteke
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.