PSOEk eta Unidas Podemosek ez dute akordioa lortu lan erreformaren inguruan, eta negoziatzen jarraituko dute
PSOEk eta Unidas Podemosek bilera egin dute astelehen gauean lan erreforma nola egin adosteko, baina ez dute akordiorik lortu eta negoziatzen jarraitu beharko dute. Azken egunetan, desadostasunak izan dira bi alderdien artean, eta, beraz, bilera deitu behar izan dute horiek konpontzen saiatzeko. Batik bat, erreforma zer ministeriok gidatu behar duen eta erreforma norainokoa izan behar den dira polemika eragin duten puntu nagusietako batzuk.
PSOEtik adierazi dute bilera "eraikitzailea" izan dela eta "tonu onean" egin dutela. Unidas Podemosetik, aldiz, azpimarratu dute oraindik ez dagoela akordiorik, eta negoziatzen jarraitu behar dutela.
Bilera Unidas Podemosek eskatu zuen; izan ere, erreforma egitea Yolanda Diazen Lan Ministerioari dagokiola uste dute, eta Nadia Calviñoren Ekonomia Ministerioaren partetik "esku-sartzeak" daudela salatu dute.
Horren ildotik, Pedro Sanchez presidenteak esan du erreforma egitea Gobernu osoari dagokiola, gai garrantzitsua delako. Horregatik, Ekonomia Ministerioaren ordezkariren batek ere negoziazioan parte hartzea nahi du.
Bileran hainbat buruzagik hartu dute parte. PSOE ordezkatuz, hauek izan dira: Felix Bolaños Presidentzia ministroa, Maria Jesus Monterio Ogasun ministroa, Adriana Lastra PSOEko 'bigarrena' eta Hector Gomez PSOEk Kongresuan duen bozeramailea. Unidas Podemosen aldetik, aldiz, hauek: Ione Belarra Eskubide Sozialetako ministro eta Podemoseko idazkari nagusia, Irene Montero Berdintasun ministroa, Pablo Echenique bozeramailea, Enrique Santiago 2030 Agendarako Estatu idazkaria, Joseb Vendrell Lan Ministerioko kabinete burua eta Joaquin Perez Lan Ministerioko Estatu idazkaria.
Sanchez: "Gobernu osoak du konpromisoa"
Bilera hasi baino ordu batzuk lehenago, Pedro Sanchez Espainiako Gobernuko presidenteak nabarmendu du "Gobernu osoak" duela konpromisoa lan-legeria "modernizatzeko".
Nabarmendu duenez, lan-legeak aldatzeak hiru helburu ditu: lan-prekaritatea desagerraraztea, ekonomian lehiakortasuna bultzatzea eta enpresarien eta langileen arteko negoziazioan "oreka berriro ezartzea". Aurretik, Espainiako Gobernuko presidenteak aldeztuta zuen erakundeak "modernizatzea, ahalik eta aukera gehien sortze aldera, eta ekonomia-hazkunde horren etekinak ahalik eta zuzenen banatzea xede". Hori dena, esan duenez, "adostasun handiena lortuta" egin behar da.
Diazek jarrera "argitzeko" eskatu dio PSOEri
Testuinguru horretan, Espainiako bigarren presidenteorde eta Espainiako Gobernuko Lan ministro Yolanda Diazek eskaria egin dio PSOEri. "Gobernuan gehiengoa duen beste alderdia dela kontuan izanik", PPren lan-erreformaren gaineko eztabaidan "jarrera argitzeko" eskatu dio, "bereziki, adierazpen desberdinak egiten ari direlako".
Diazek gaitzetsi duenez, "Gobernuaren zati bat, oraindik ere, lan-legea aldatzeko edukiak ere ari da eztabaidatzen". Hala, astelehen honetako bileraz galdetuta (Unidas Podemosek eskatu zuen koalizioaren egoera jarraitzen duen mahaia deitzea, Nadia Calviño Espainiako lehen presidenteordeak esku-sartzeak egin ostean), bigarren presidenteordeak "negoziatzaileei lan egiten uzteko" eskatu du, negoziazio hori "egoera zailean" ari direla egiten onartuta.
Calviñoren iritziz, Espainiako Gobernuak ahots bakarra izan beharko luke
Espainiako Gobernuko lehen presidenteorde eta Ekonomia Gaietarako ministro Nadia Calviñok berak nabarmendu du Espainiako Gobernuak "ahots bakarra" izan behar duela, besteak beste, lan-erreformaren aurrean, eta, gaineratu duenez, "garrantzitsua da ministerioen artean koordinazio egokia eta lankidetza ona egotea".
"Ez da garrantzitsua ministro batek ala beste batek egitea adierazpenen bat; garrantzitsua da Gobernuaren jarrera adieraztea, eta, horretarako, beharrezkoa da koordinazio egokia eta lankidetza ona izatea, eta kontu bakoitzean nahastuta dauden ministerio guztietako ordezkaritza egotea", esan du.
Zure interesekoa izan daiteke
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.