Lan erreforma bertan behera uzteko konpromisoa berretsi du Diazek, "oztopoak oztopo"
Parez pare "oztopo eta zailtasun" asko dituztela aitortuta, Alderdi Popularrak 2012an onartutako lan erreforma bertan behera uzteko konpromisoa berretsi du Yolanda Diaz Espainiako Gobernuko Lan ministroak eta bigarren presidenteordeak.
CCOO sindikatua, gaur Madrilen, egiten ari den Kongresu Federalean hitz egin du Diazek, eta bertan esan du "lan merkatua modernizatzea" dela bere helburuetako bat.
"Eskuinak lan munduan ezarritako prekarietatea eta bidegabekeria behin betiko" atzean uzteko lanean ari direla adierazi du ministroak, CCOOko jarraitzaileen aurrean. Ildo horretan, sindikatuari eskerrak eman dizkio lan-baldintza duinen alde mahai gainean jarritako "proposamenengatik eta egindako lanagatik". "Elkarlanean" lanean jarraitzearen alde agertu da, eta elkarrizketa mahaiaren balioa nabarmendu du.
"Gure herrialdean azken 40 urteotan inork egin ez duena egitera goaz. Lan erreforma bertan behera uztea bakarrik ez da gure asmoa, urrutirago joango gara, eta lan hori herri hau egunero eraikitzen dutenekin elkarlanean egingo dugu", esan du.
Ika-mika piztu da asteon Elkarrekin Podemos eta PSOE gobernukideen artean, lan erreformaren harira Nadia Calviño Ekonomia ministroak egindako adierazpenekin. Alderdi Moreak "onartezintzat" jo du Calviñok Diazen ardurak bere egitea, eta egoera argitzeko, berehalako bilera bat eskatu zuen.
Pedro Sanchez Espainiako Gobernuko presidenteak Calviñoren jarduna defendatu zuen, lan erreformaren negoziazioan muturrik ez duela sartu argudiatuta. Gai honen inguruko negoziazioa PSOE-Elkarrekin Podemos Exekutiba osoari dagokiola azpimarratu zuen.
Gaurko Kongresuan Unai Sordo barakaldarra berriro hautatu dute sindikatuko idazkari nagusi kargurako.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).