Lehendakariak "dumping fiskala" egitea egotzi dio Madrilgo Erkidegoari
Iñigo Urkullu lehendakariak kezka agertu du Madrilgo Erkidegoko zergen jaitsierak eragin lezakeen "dumping fiskala"ren aurrean, "zenbait erkidego zerga-paradisu bilakatu" liratekeelako.
Forum Europa-Tribuna Euskadi ekitaldiaren testuinguruan egin ditu adierazpenok. Bertan, Madrilek bere zerga-sistemaren inguruan hartutako neurrien inguruan aritu da, besteak beste.
Lehendakariak gogora ekarri duenez, aurrekoetan ere hitz egin izan dute Madrilek duela zenbait urtetatik abian duen zerga-politikaren inguruan. Zentzu horretan, kezka eragiten dio "dumping fiskal" estrategia bat egoteko edo "zenbait erkidego zerga-paradisu" bilakatzeko aukerak.
Urkulluk azaldu du Euskadiri zerga-paradisu izatea egotzi izan diotela, kontuan hartu gabe ahalmen propioak dituela Estatuarekiko dituen finantza-harremanetarako.
Azpimarratu duenez, Euskal Autonomia Erkidegoak "aldebakarreko arriskua" hartuta kudeatzen ditu baliabide propioak, eta baliabide horiek nora bideratu erabakitzen du; gizarte-politiketara, inbertsioetara zein bestelako politiketara. Zentzu horretan, azpimarratu du 2022ko aurrekontuen proiektuan hamar eurotik zortzi gizarte-politiketara bideratuko dituztela.
Eredu sozial eta ideologikoak
Urkulluk azaldu du "diru-bilketa urriagoa bada, zenbait politiketarako gastu-ahalmena ere" halakoxea izango dela, gizarte-politikak, kasu.
Lehendakariaren esanetan, ez dakite beste helbururik egon daitekeen Madrilek esparru horretan "politika populista" egiteko estrategiaren atzean. Gero "Estatuari finantzaketa autonomikoa eskatuko diote diru-sarrera urriak orekatzeko", baina hori, esan duenez, "beste kontu bat da".
Ez dagozkion "gerretan" sartuko ez dela adierazi du, eta aipatutakoak "eredu sozial eta ideologikoekin" zerikusia duela, bere aburuz.
Ayusoren erantzuna
Isabel Diaz Ayusok, Madrilgo Erkidegoko presidenteak, lehendakariari erantzun dionez, "gauzak gaizki doazkienean, inbidiaz" begiratzen diete, eta "irain eginez" kritikatzen dituzte. Presidentearen esanetan, "hori asmatua dago, nazionalismo du izena eta, ezartzen denetan, jendea pobretu egiten du".
Lehendakariak leporatutako dumping fiskalari buruz adierazi duenez, "ez da ezer esateko horren inguruan, kontuan hartuta nahierako erregimen fiskala dutela, denetariko pribilegioekin".
Zure interesekoa izan daiteke
Euskal Herria "erresistentzia gune antifaxista" dela aldarrikatu du EH Bilduk Bilbon
"Euskal Herria, askatasun haizea" lelopean, "berrespen nazional eta antifaxistako ekintza masiboa" deitu dute, Arkaitz Rodriguez koalizio abertzaleko Ekintza Politikorako idazkariak ekimenaren aurkezpenean adierazi zuenez.
Igande honetan izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
Ultraeskuinak tratu txarren zerbitzura dagoen diskurtsoa duela esan du PSE-EEko presidenteak
Cristina Gonzalez PSE-EEko presidenteak esan du ultraeskuinak "erantzukizuna" duela indarkeria matxistan, hori gauzatzen dutenen zerbitzura jartzen den "giro politikoa" sortzen duelako.
?fmt=webp-alpha&qlt=80)
Lau pertsona atxilotu dituzte urriaren 30ean Nafarroako Unibertsitatean izandako istiluengatik
Istiluak Nafarroako Unibertsitatearen inguruan jazo ziren, Vito Quiles eskuin muturreko ekintzaileak ekitaldi bat deitu ondoren. Azkenean, bertan behera utzi zuen deialdia.
Europak "Euskadi bezalako" Estaturik gabeko nazioak kontuan har ditzala eskatu du Pradalesek
Europako Alderdi Demokratak (PDE) urteroko kongresua egin du ostiral honetan BECen. Bertan, Europako alderdietako buruzagi politikoak, aktibistak eta intelektualak izan dira.
Espainiako Gobernuak garraio publikoko deskontuak luzatzeko asmoa duela egiaztatu du Jaurlaritzak
Garraio publikoan hobariak mantentzearen alde agertu da Lakua, eta, luzatzen ez badira, "horri buruzko bide-orri propioa" martxan jartzearen alde.
Bingen Zupiriaren ustez, atxilotuen jatorriaren berri emateak "gezurraren eta estigmatizazioaren aurka borrokatzeko" balio du
Bingen Zupiria Eusko Jaurlaritzako Segurtasun sailburuaren arabera, neurriak "gauzak informazio egokiarekin argitzen laguntzen du", baina "batzuk itxura eman nahi dute datuak ezkutatu nahian gabiltzala". EH Bilduk, berriz, eskuinaren diskurtsoa elikatzea eta kritikei entzungor egitea leporatu dio sailburuari.
Gasteizek erantzukizunak eskatu dizkio Estatuari 76ko martxoaren 3ko eta 78ko sanferminetako gertaerengatik
Beste hainbat elkarterekin batera Martxoak 3 eta Sanfermines 78 Gogoanek aurkeztutako mozioa onartu du Udalbatzak.
El Ventorroko jabeak adierazi du ez zituela Mazonen deiak entzun eta 18:30ak eta 19:00ak artean joan zela
Valentziako Generalitateak GOIDIAren inguruan egin zuen kudeaketa ikertzen ari den Catarrojako (Valentzia) epailearen aurrean deklaratu behar izan du ostalariak. Ez zuela Mazon telefonoz hitz egiten entzun esan du eta ez zitzaiola iruditu presidentea arduratuta zegoenik.
Sumarrek ez du Eusko Jaurlaritzarekin negoziatzen jarraituko eta osoko zuzenketa aurkeztuko die aurrekontuei
Halaxe iragarri die Jon Hernandez Sumarreko legebiltzarkideak komunikabideei. Hernandezek salatu du Jaurlaritzak erakutsi duela ez duela Sumarrekin negoziatu nahi datorren urteko kontuei taldeak balizko babesa ematea.