Hauteskundeak aurreratu daitezkeela eta Yolanda Diaz presidente izan daitekeela uste du Ivan Redondok
Ivan Redondo Pedro Sanchezen Gobernuko Presidentzia Kabineteko zuzendari ohiak (2018-2021) uste du Espainiako Estatuan hauteskunde orokorrak aurreratu daitezkeela eta Yolanda Diaz Unidas Podemoseko ministroak presidente bilakatzeko aukera izango duela.
ETB2ko '12 minutu' saioan egindako elkarrizketan, Redondok esan du ezin daitekeela baztertu hauteskundeak aurreratzea, datorren urteko ziklo elektoralak eta ondoren etorriko diren udal hauteskundeek "Gobernuaren egonkortasunean eragina" izango dutela iritzita.
"Datorren urteko ziklo elektorala lehergaia izango da. Nik uste dut hauteskundeak aurreratuko dituztela Andaluzian. Eta litekeena da Gaztela eta Leonen gauza bera gertatzea. Ximo Puigek Valentziako hauteskunde autonomikoak lehenago deitzea edo itxarotea erabaki beharko du. Eta horren ondotik udal hauteskundeak iritsiko dira. Eta testuinguru horrek edozein gobernuren egonkortasunari eragiten dio", azaldu du aholkulari politiko donostiarrak.
Yolanda Diaz Espainiako Gobernuko lehen emakume presidentea izan daitekeen galdetuta, Redondok adierazi du "benetako aukera" duela horretarako eta CIS ikerketaren azken datuak aipatu ditu argudio gisa.
"Yolanda Diaz presidente bilakatzeko balizko aukerarekin, Unidas Podemosek botoen % 6,9 kentzen dizkio egun PSOEri, eta portzentaje hori % 2,5ekoa zen duela hilabete. Hau da, lau astetan 468.000 boto pasatu dira PSOEtik Unidas Podemosera; eta PSOEk 133.000 boto kendu dizkio Unidas Podemosi. Hori da lehen sintoma", azpimarratu du.
Halaber, Redondok nabarmendu du "bozkatzera joaten diren langileen % 29k nahi dutela Yolanda Diaz presidente izatea", eta Pedro Sanchezen babesa % 21ekoa dela kolektibo horretan.
Areago, "Yolanda Diaz presidente izan dadin botoa aldatzeko prest egongo ote ziren galdetuta, % 15ek baietz erantzun dute. Gainera, pertsona horien artean 45 urtetik beherako asko daude eta hauteskunde erroldaren % 42 adin tarte horretakoak dira", erantsi du.
Horrez gain, Pablo Casado PPko buruzagiak ere presidente izateko aukerak badituela esan du, "baina horretarako Voxekin gobernatu beharko du".
EAJri eta EH Bilduri buruz
Bestalde, Redondok Euskal Herriko politikagintza ere izan du hizpide, eta Espainiako Gobernuaren bazkide nagusia EAJ dela adierazi du.
"Koalizio Gobernuaren lehentasunezko bazkidea EAJ da, eta Eusko Jaurlaritza eta Espainiako Gobernua elkarlanean arituko dira, gutxienez udal hauteskundeak iritsi arte", gaineratu du.
Hala ere, EH Bildu "eraberritu" egin dela eta goraka doala azpimarratu du. "Indarra hartzen ari da euskal gizartearen baitan, eta EAJ horretaz oso ondo jabetu da", esan du.
PSE-EEk Eneko Andueza idazkari nagusi izendatu izana "mugimendu ona" izan dela iritzi dio, baina sozialistak "kalera" atera behar direla erantsi du.
Amaitzeko, Redondok uste du aurrerantzean alderdi politikoetatik kanpoko herri-hautagaitzak agertzen hasi daitezkeela Euskal Herrian. "Fenomeno hori ez da azken urteotan eman, baina uste dut laster sortu daitezkeela", adierazi du.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.