Aurrekontuen akordioarekin gertuago daude EH Bildu eta EAJ, Elkarrekin Podemos-IU eta PP+Cs-ren ustez
EH Bilduk eta Eusko Jaurlaritzak aurrekontuen inguruan lortutako akordioa kritikatu dute Elkarrekin Podemos-IUk eta PP+Cs-ek. EH Bildu eta EAJ gertuago ikusten dituzte, indar bakoitzak jomugan alderdi ezberdina hartu badu ere.
Miren Gorrotxategi Elkarrekin Podemos-IUk Legebiltzarrean duen bozeramailearen aburuz, ituna koalizio subiranistaren "marketing operazioa" da. Kritikatu duenez, "EH Bilduk EAJren espazioa bete nahi du, logikoa den bezala, baina saiatzen ari da espazio hori betetzen bere antza hartuz".
Gorrotxategik aurreratu du akordio horren ostean beste "itun estruktural" batzuk heldu ahal direla, eta deitoratu du "euskal taula politika mugitzen" ari zen unean gertatzea hau guztia.
"EH Bilduk EAJren lehentasunezko bazkide izatea aukeratu du", salatu du Gorrotxategik. Era berean, akordio ona ez dela azpimarratu du, euskal herritarren bizi baldintzak hobetzetik "urrun" dagoelako.
Carlos Iturgaiz PP+Cs taldeko presidenteak, berriz, EAJ hartu du hizpide. Horren ustez, jeltzaleak "erradikalizatzen" ari dira, "ezkerreko alderdi" bihurtzeraino. "EAJ Bilduren fotokopia bat bihurtu da", erantsi du.
Iturgaizen esanetan, EAJ eta PSE-EE "lehian" ari dira koalizio abertzalea "zuritzeko".
Salatu duenez, EH Bilduk "erregimena bota nahi du" eta badaki PSOEren gobernua "pagotxa" dela horretarako: "Pedro Sanchez edozertarako prest dago, baita bildu lehentasunezko bazkide bihurtzeko, botereari eusteko"
Zure interesekoa izan daiteke
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektronikoa erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPren senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektronikoa atera du poltsikotik, eta "erre" egin du. Ondoan zuen alderdikideak ohartarazi du kameraren planoan agertzen zela.
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzaren egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburua Gasteizen izan da, eta, esan duenez, kezka berezia sortzen diote 2025eko lehen hiruhilekoan homizidioek eta indarkeria matxistako kasu-kopuruak izan duen igoerak. "Aurten, 11 homizidio izan ditugu. Aspaldian ez dugu horrenbeste homizidio izan", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.