Nafarroaren eta Euskadiren arteko protokolo berria sinatu dute Maria Chivitek eta Iñigo Urkulluk
Maria Chivite Nafarroako presidenteak eta Iñigo Urkullu lehendakariak Nafarroaren eta Euskadiren arteko protokolo berria sinatu dute ostiral honetan. Protokolo horrek 2016koa berritu eta handitu egiten du, eta erakusten du "borondatea" dagoela bi autonomia-erkidegoen arteko harremanari eusteko: "Asmoa da herritarrei zerbitzu hobeak bermatzea, erakunde-zintzotasunetik".
Bi lehendakariek baloratu dute Iruñean, bilera egin eta gero. Topaketa instituzionala izan da, eta bi gobernuetako hainbat kidek ere parte hartu dute bertan; izan ere, protokoloak ia 30 arlori eragiten die, tartean kulturari, ekonomiari, elkarbizitzari edo hezkuntzari.
Kazetariei egindako adierazpenetan, Chivitek gogora ekarri du aspaldi hasi zirela "auzokoak diren bi erkidego hauek" elkarrekin lanean: "Bi gobernuentzako interesgarriak diren zenbait gairi heldu izan diegu, baina, bereziki, bi erkidegoetako herritarrentzako izan da lan hori", esan du. Hemendik aurrera, ildo horretan, asmoa da horrela jarraitzea, "erakunde-zintzotasunetik, helburua izanik herritarrei zerbitzu hobeak eskaintzea".
Urkulluren esanetan, Nafarroa eta Euskadi "anaia-arrebak diren bi erkidegoak dira": "Harreman berezia dugu, berebiziko kidetasuna dugu, historia-, kultura-, hizkuntza- eta ekonomia-arrazoiengatik, bai eta arrazoi soziokulturalengatik ere", nabarmendu du, eta, horrez gain, agerian utzi du bere "borondatea" dela "elkarrekin lan egiten jarraitzea".
Ostiral honetan sinatutako dokumentuari dagokionez, jada indarrean dauden hainbat arlo gaurkotu egiten ditu, eta beste batzuk sartzen ditu; guztira, lanean ibiltzeko 29 arlo aurreikusten ditu.
"Jarrera konstruktibo partekatua", Abiadura Handiko Trenaren gainean
Testuinguru horretan, Urkulluk eta Chivitek zehaztu dute Nafarroak eta Euskadik "jarrera konstruktiboa" partekatzen dutela Abiadura Handiko Trenak bi erkidegoen artean izango duen loturaren ibilbidearen gainean; aldezten dute tartean dauden hiru administrazioek, alegia, Estatukoak eta bi autonomia-erkidegoetakoek, "batera hausnartzea aukera guztien gainean".
Nafarroako presidentea eta lehendakaria zain daude, Espainiako Gobernuak aukerak ofizialki aurkeztu arte; izango dira Euskal Y grekoa Gasteizen ala Ezkio-Itsason lotzea.
Biek esan dute azken erabakian parte hartu beharko luketela: "Gure gogoa", esan du lehendakariak, "Jaurlaritzarena eta Nafarroako Gobernuarena, erabaki horretan parte hartzea da. Espainiako Gobernuak badaki jarrera konstruktibo hori dugula", adierazi du Urkulluk.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.