Villarejo ezagutzen ez duela eta PPren 'b kutxa' existitzen ez dela adierazi du Rajoyk
Mariano Rajoy Espainiako Gobernuko presidente ohiak adierazi du auzitegiek ez dutela frogatu Alderdi Popularrean 'b kutxarik' izan zenik; Luis Barcenas PPko diruzain ohiaren eta Jose Manuel Villarejo komisario jubilatuaren testigantzei sinesgarritasuna kendu die; eta 'Kitchen auzian' akusatu nagusia den Jorge Fernandez Diaz Barne ministro ohiaren errugabetasuna defendatu du.
Rajoy presidente zenean Barne Ministerioak Luis Barcenas zelatatzeko eta PPko buruzagiak ustelkeria kasuekin nahasita zeudela frogatu zezaketen dokumentuak kentzeko ezkutuko operazio bat antolatu ote zuen argitzeko ikerketa batzordea eratu zuten Kongresuan eta han deklaratu du Rajoyk.
Parlamentarien galderei erantzunez, Rajoyk berretsi egin du ez duela Villarejo ezagutzen, harekin inoiz ez duela harremanik izan eta Maria de Cospedal PPko idazkari ohiak inoiz ez ziola esan Villarejorekin bildu zela alderdiaren Madrilgo egoitza nagusian.
"Villarejo jauna ez dut ezagutzen eta ez dut inoiz harekin topo egin eta, beraz, inoiz ez naiz berarekin bildu eta inoiz ez dut berarekin hitz egin, ezta zeharka ere. Nik dakidala inoiz ez dit mezurik bidali eta nik inoiz ez diot mezurik erantzun", adierazi du.
Halaber, 'Kitchen operazioari' buruzko berririk ez zuela inoiz izan eta, ondorioz, berak ez zuela operazio hori martxan jartzeko agindu eman azpimarratu du.
Villarejok beraien arteko balizko harremanari buruz testigantza ezberdinak eman dituela gogoratuta, komisario ohiaren testigantzari sinesgarritasuna kendu dio.
"Komeni zaiena jomugan" jartzen dutela eta defentsarako eskubidea baliatuta "gezurretan" ari direla salatu du.
Jorge Fernandez Diazen harira, Rajoyk nabarmendu du ez duela uste Kitchen operazioa martxan jarri zuekin eta erantsi du haren kontrako ebazpen judizial irmorik ez dagoen bitartean haren errugabetasun printzipioa gailentzen dela.
Horrez gain, Rajoyk ukatu egin du PP ezkutuko kontabilitatea izateagatik zigortu dutenik orain arte egin diren epaiketa ezberdinetan. "Nik ez dut inoiz 'b kutxaren' berririk izan eta epaileek ez dute esan halakorik izan denik", adierazi du.
Onartu du Barcenas ustelkeriagatik zigortu zutela, baina erantsi du "obra baten zati bat diru beltzarekin" ordaindu zuelako zigortu zutela eta horrek ez duela esan nahi PPn "b kutxarik" izan ez denik.
Rajoyren agerraldiak ikusmin handia piztu du Kongresuan. Espainiako Gobernuko presidente ohiak PPko hainbat goi-karguk babesa izan du, tartean Cuca Gamarrarena eta Ana Pastorrena.
Albiste gehiago politika
Neniques Roldan, Nafarroako Podemoseko koordinatzaile berria
Roldanek botoen % 51 lortu ditu, eta, era berean, Berme Demokratikoen Batzordea ere osatuta geratu da.
Alberto Martinez Osasun sailburuak lortutako akordioaren inguruko balantzea egin du Ituna onartu eta biharamunean
Osasun Ituna onartu eta biharamunean Alberto Martinez elkarrizketatu du ETBk. Osasun sailburuaren esanetan, "astelehenean bertan" lanean hasiko dira, herritarrek, gradualki bai, baina lehenbailehen aldaketak sumatu ditzaten, Lehen Arretan, batez ere. Martinezek gaineratu duenez, Itun honekin etorkizuneko euskal Osasun Sistemaren oinarriak finkatu dituzte.
Sortuk urtebete aurreratu du alderdiaren laugarren Kongresua, "askapen prozesuaren fase politiko berriak behar duen eraginkortasuna lortzeko"
Abadiñon egiten ari diren 8. Nazio Konferentzian egin du deialdia. Konferentzia horretan, kurtsoaren balantzea ere egin, eta hurrengo hilabeteetako erronkak zehaztu dituzte.
Gobernuko kideek babestu dute Osasun Ituna; oposiziokoek, aldiz, kritikatu
Ostiralean sinatutako Osasun Itunaren inguruko debatea ez da eten. Gobernuko kideek akordioa babestu duten arren, oposizioak gogor kritikatzen jarraitzen du.
ETAren 60 biktima nafarrak omentzeko plaka bat jarri dute Foru Parlamentuan
Ekitaldira bertaratu direnen artean, Maria Chivite presidentea eta Unai Hualde Nafarroako Parlamentuko presidentea izan dira.
Osasun Mahaiak ituneko 24 ildo estrategikoak babestu ditu
Hala ere, EH Bilduk, Sumarrek, LABek, ELAk, SATSEk, CCOOk eta UGTk ez dute ituna babestuko. Desadostasun handiena eragin duten gaiak hizkuntza-politikari buruzkoak eta lankidetza publiko-pribatuari buruzkoak izan dira.
Gazarako beste martxa bat "bideraezina" dela uste du Podemos Euskadik, baina beste aukera batzuk aztertzen ari dira
Martxa Globalean parte hartu zuten Maite Gartzia (koordinatzailearen ondokoa) eta Alberto Villarreal (Osasun arduraduna) ekintzaileek Egipton bizi izandako egoeren berri eman dute. Espainiak Egipton duen enbaxadorearen jokabidea kritikatu dute, martxara ez zutela joan behar esan baitzien.
Martinez: "Gaur egun garrantzitsua da osasun sistema publikoa eraldatzeko"
Alberto Martínez Eusko Jaurlaritzako Osasun sailburuak Osasun Itunaren mahaiaren bileraren garrantzia azpimarratu du. Bertan, onkologia, osasun mentala eta lehen mailako arreta bezalako arloei buruzko 24 dokumentu estrategiko onartuko dira. Martinezek azpimarratu du topaketa honek hirugarren lan-fasearen amaiera markatzen duela eta eragileen konpromisoa bilatzen duela itunaren ebaluazioan eta garapenean aurrera egiten jarraitzeko.
Euskal osasun sistemaren etorkizunari babes "sendoa eta irmoa" eman zaiola azpimarratu du Osasun sailburuak
EAEko osasun sistemaren etorkizuna diseinatuko duten ildo estrategikoen 24 dokumentuak onartu ditu ostiral honetan Osasun Itunaren Mahaiak. "Dokumentu bakar bat ere ez da aurrera ez egiteko arriskuan egon. Hirugarren fase honen babesa sendoa eta irmoa da", esan du Alberto Martinez Eusko Jaurlaritzako Osasun sailburuak.
EAJk eta EH Bilduk eserleku kopuru bera lortuko lukete Eusko Legebiltzarrean; jeltzaleak bost puntu daude gainetik
Bi alderdiek 28 eserleku lortuko lituzkete, eta PSE-EEk 11. Gauzak horrela, EAJk eta PSE-EEk osatzen duten koalizioak gehiengo absolutuari eutsiko lioke. Abstentzioa % 41ekoa izango litzateke, 2025eko ekaineko Euskal Soziometroaren arabera.