Esperanza Aguirreren ustez, Casadok dimisioa eman beharko luke: "Dimisioak ohoragarriak dira"
Esperanza Aguirre PPko buruzagi ohi eta Madrilgo Erkidegoko presidente izandakoak uste du Pablo Casadok dimisioa eman beharko lukeela: "Dimisioak ohoragarriak dira, nik neuk hiru aldiz egin dut", aitortu du. Buruzagi historiko horren arabera, eta Casadok azkenaldian hartutako erabakiak hizpide, "sekulako hanka-sartzea izan da Madrilgo kongresua antolatzeari uko egitea, edota modu irregularrean lortutako datuak jakinaraztea", eta ondorioz, Alderdi Popularra "inoizko krisirik sakonenean" dago orain.
Radio Euskadiko "Boulevard" saioari eskainitako elkarrizketa batean Casadoren lekukoa nork har dezakeen galdetu diote. Argi izan du Aguirrek: "Alberto Nuñez Feijoo Galiziako presidenteak lau gehiengo oso lortu ditu, eta pertsona egokiena da krisi larri hau konpontzeko". Lehenbailehen egin behar dela uste du; "ez dut ulertzen zergatik eman dugun astebete hau guztia konpontzeko".
Ildo beretik, argitu du uneotan alderdiaren presidentea eta Espainiako Gobernuaren Presidentetzarako hautagaia "pertsona bera" ez izatea komeni dela (Mariano Rajoyk estatutuak aldatu zituen hala izateko), eta hortaz, alderdiko estatutuak aldatu beharko liratekeela.
Diaz Ayusori buruz, Aguirrek esan du Madrilgo presidentea "PP guztiarekin konpontzen dela ondo, buruzagiekin, militanteekin eta boto-emaileekin, guztiekin". Gainera, azpimarratu du 2020an erositako maskaren auzian ez dela ustelkeriarik egon. "Horren erakusle Fiskaltzak izapideak abiatu ditu interes orokorrekoa delakoan, baina esan du ez daudela kriminalitate zantzurik Gorenera bidaltzeko", nabarmendu du.
Albiste gehiago politika
Irailaren 14an independentziaren aldeko manifestazio bat deitu du Ernaik Donostian
"Ekin eta bultza" lelopean, Euskal Herriko independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.