Teodoro Garcia Egea PPko idazkari nagusiak dimisioa eman du
Teodoro Garcia Egea Alderdi Popularreko idazkari nagusiak dimisioa eman du arratsalde honetan. PPko buruzagi eta lurralde kargudun askok Garcia Egea kargutik kentzea behin eta berriro eskatu dute azken egunetan, krisia ixteko ahaleginean.
Dimisioa eman eta ordu gutxira, La Sexta telebistan egindako elkarrizketa batean, Garcia Egeak adierazi du erabaki "pertsonala" izan dela eta PPren baitan "trantsizio bat ahalbidetu" nahi duela, afiliatuek zuzendaritza berri bat aukera dezaten.
"Inoizko erabakirik zailena hartu dut. Nire kargua uztea erabaki dut, afiliatuei hitza emateko, indarra hartzeko eta aro berri bat hasteko", esan du.
Casadori buruz nabarmendu du pertsona "zintzoa eta printzipioduna" dela. "Harro nago berarekin lan egin izanaz eta beti izango natzaio leiala", ziurtatu du.
Ildo horretan, azpimarratu du bien arteko harremana "duela bi aste baino hobea" dela orain eta erantsi du "PP egun hobeto" dagoela, Casado zuzendaritzara iritsi zenean baino.
Kargua zergati utzi duen galdetuta, Egeak ziurtatu du ez duela "ezer txarrik egin" eta berretsi egin du zuzendaritza berri bat aukeratzeko kongresua deitzea ahalbidetzeko egin duela albo batera.
Isabel Diaz Ayusoren anaiari lotutako ustezko kontratu irregularren harira, Egeak azaldu du "iturri anonimo baten bidez" jaso zutela informazioa joan den "abuztuan edo irailean" eta alderdi barruan horri buruzko "galderak" egin zituztela, beste balizko ustelkeria kasu batzuekin egin izan duten moduan.
"Espainiarrek beren buruari galdetu behar diote zernolako alderdi politikoak dituzten nahiago: alderdi barruan galderak egiten dituztenak edo alderdiko karguei buruzko informazioa zakarrontzira botatzen dutenak", galdetu du.
Beste dimisio batzuk
Bestalde, gaur goizean, Madrilgo alkate Jose Luis Martinez-Almeidak eta Belen Hoyo Hauteskunde Batzorde Nazionaleko presidenteak ere dimisioa eman dute.
Gainera, Casadoren taldean izandako zatiketak hiru baja gehiago utzi ditu azken orduetan alderdian. Ana Vazquez diputatu galiziarra eta Alderdi Popularreko Emigrazio idazkari nazionala izan da dimisioa eman duen alderdiko zuzendaritzako azken kidea.
Testuinguru honetan, Casadok alderdiko buruzagien aurrean etsi eta azkenean Zuzendaritza Batzorde Nazionala bilduko du martxoaren 1ean, XX. Kongresu Nazionala martxan jartzeko, zuzendaritza nazionaleko iturriek jakitera eman dutenez. Ondorioz, ezohiko kongresua izango da.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.