Andueza: "Espainiako Gobernuak hartutakoen osagarri izango diren neurriak proposatuko ditugu"
Eneko Andueza PSE-EEko idazkari nagusiak nabarmendu duenez, bere alderdiak "Espainiako Gobernutik hartu diren neurrien osagarri diren neurriak" jarriko ditu mahai gainean lehendakariarekin asteazken honetan egingo duen bileran, Ukrainaren inbasioagatik "ondorio okerragoak egon ez daitezen".
Gaur goizean Radio Euskadiko "Boulevard" saioan egindako elkarrizketa batean, euskal sozialisten idazkari nagusiak adierazi du autogobernutik, "eskualdatu zaizkigun eskumen horien bitartez", neurri asko har daitezkeela sail guztietatik. Ildo horretan, arlo ekonomikoaz gain, pertsonei dagozkienak ere azpimarratu ditu, "hori baita erdigunean jarri behar dena".
"Eusko Jaurlaritza aurrekontu hedakorrenetako bat gauzatzen ari da", esan du Anduezak. Ildo horretan, "aurrekontu horiei soberakin bat gehitu dakieke", idazkari nagusiaren hitzetan, "ustekabeko egoerei aurre egiteko balio dezakeena".
Fiskalitateari dagokionez, PSE-EEko kidearen arabera, Euskadik egoera fiskal oso ona du, "diru asko bildu baitu", baina uste du beti dagoela denbora hausnartzeko, hori bai, "modu bateratuan eta guztiek elkarrekin".
Era berean, eta Ukrainaren inbasioaren ondorioei aurre egiteko Alderdi Popularrak lehendakariari eskatu dion zerga-jaitsieraren inguruan Anduezak azaldu du "oso zuhur" jokatu behar dela "PPren diskurtso horrekin". Isabel Diez Ayuso Madrilgo Erkidegoko presidentea ere izan du hizpide: "Ayusok populismoa egiten du", nabarmendu du, eta Euskadirentzat halakorik ez duela nahi esan du.
Alberto Nuñez Feijoori buruz ere eman du bere iritzia, eta sozialistekin iragarri dituen itun handien harira esan du "oraingoz, eskuin muturraren ondoan" dagoela erakutsi duela.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.