Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
Claudia Montes (ezkerrekoa), asteazken honetan, Auzitegi Gorenetik irteten. Argazkia: EFE
Claudia Montesek asteazken honetan Auzitegi Gorenean deklaratu duenez, Jose Luis Abalos Garraio ministro ohiak “inoiz ez” zion esan Logirail enpresa publikoan kontratatatu zezaten laguntzeko esku hartu zuenik. “Abalosek ez dit inoiz esan: Claudia, entxufatu egin zaitut", esan du pandemia garaian maskarak iruzurrez erosi ote zituzten argitzeko abian den epaiketaren bigarren egunean egindako agerraldian.
Montesek Renferen filialean lan egin zuen 2019ko abendutik 2022ko otsailera bitartean. Asturiasen PSOEren ekitaldi batean Abalos ezagutu zuela eta adiskidetasun eta militantzia harremana zutela azaldu du. Haren arabera, bere egoera pertsonala kontatu zion, ama ezkongabea zela eta ez zuela enplegurik, eta orduan ministro ohiak esteka batzuk bidali zizkion Logirailen zeuden lanpostuekin. Montesek esan du azkenean InfoJobs bidez aurkeztu zuela bere hautagaitza.
Lekukoaren arabera, modu erregularrean kontratatu zuten zen, eta ukatu egin du bere curriculuma faltsutu zuela, UCOren txosten batek dioen bezala. “Ez dago egin ez dudan ikasketarik”, azpimarratu du.
Deklarazioan zehar adierazi du, halaber, Koldo Garciak, Abalosen aholkulari ohiak, “hasieratik” esan ziola haren “nagusia” zela, eta Renferen kontseilari gisa aurkeztu zuela bere burua.
Enpresan egiten zuen lanari buruz, Montesek esan du normaltasunez joaten zela lanera, nahiz eta batzuetan Oviedoko liburutegira joaten zen, lan-orduetan, trenei buruzko liburuak irakurtzera, ez baitzuen lan egiteko leku egokirik bulegoan. “Trenei buruzko guztia jakin nahi nuen”, azaldu du.
Logiraileko arduradun ohiak, berriz, kontraesankor mintzatu dira enpresako etaparen inguruan: buruzagietako batek esan du espediente bat hasi zutela justifikatu gabeko laneko huts-egiteengatik, eta beste batek esan du bere arazoak lanpostu egokirik ez izatearen ondorio zirela.
Zure interesekoa izan daiteke
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” ikusten du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.