François (EM): "Macronek ez dauka garaipena ziurtatuta, eta hondamena litzateke Le Pen presidentea izatea"
Maria François Errepublika Martxan (EM) alderdiko ordezkariak esan du Emmanuel Macronek ez duela garaipena ziurtatuta eta ez dela erraza izango. Frantziako presidentearen alderdiak Pirinio Atlantikoetan duen euskal ordezkaria elkarrizketatu dute Radio Euskadin, Frantziako presidentetzarako hauteskundeen lehenengo itzuliaren biharamunean. "Muturrekoak irabazten ari dira Europa osoan. Irabazteko beharrezkoa dena egingo dugu, baina ez da erraza izango", ohartarazi du.
Françoisen ustez, Bilgune Nazionala alderdiko Marine Le Pen ultraeskuindarrak irudi "apur bat errazagoa eta ez hain muturrekoa" eman du hauteskunde hauetan, aurrean Eric Zemmour zuelako, "entzun eta irakur daitekeen txarrena". Baina Errepublika Martxan alderdiko euskal ordezkariak ohartarazi du Le Penek "eskuin muturrekoa" izaten jarraitzen duela, eta bere proposamenak "immigrazioa borrokatzea" direla. "Jendeak badaki Le Penek irabaziz gero Frantzia NATOtik eta EBtik irtengo litzatekeela eta Putinengandik hurbilago egongo litzatekeela", esan du.
Ordezkari sozioliberalak aitortu duenez, sozialista batzuek Jean-Luc Melenchon "intsumisoa" babestu dute, baina gehienek Macron babestu zuten aurreko hauteskundeetan. "Errepublikanoak eta Alderdi Sozialistako jendea guregana bildu ahal izateko lanean jarraitzen dugu", esan du Françoisek, "ez eskuinekoa ez ezkerrekoa" ez den proiektu batean.
Macronen eta Le Penen arteko hurrengo eztabaidan "bi ikuspegi erabat desberdin" ikusiko direla uste du Françoisek, eta ordezkari ultraeskuindarrak "bere benetako helburua zein den" erakutsiko duela.
Ipar Euskal Herriko emaitzek ez dute François harritu. Macronek irabazi du, eta Melenchon Le Penen aurretik geratu da; izan ere, "hemen badakigu jendea eskuzabala eta demokratikoa dela, eta oso zaila izango zen Le Pen bigarrena izatea". Orain Melenchonen boto-emaileei "hitz egitea eta entzutea" tokatzen da: "Eguneroko laguntza behar duen jendea, lehengaiak eta gasolina igotzen ikusi dituena... Guk asko lagundu diegu soldata oso baxuei, eta horrekin jarraituko dugu".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.