EH Bildu: "Aberri Egunak elkargune eta batasun eguna izan behar du, herri hobe baten bidean pausoak emateko"
Datorren igandeko Aberri Egunari begira, EH Bilduk uste du "elkargune eta batasun eguna izan behar dela", anitza, feminista, ekologista, zabala, plurala, askea eta euskalduna izango den herri hobe baten bidean aurrerapauso bat emateko. Are gehiago, "inflexio puntu bat izan behar da, mugarria, kulturen arteko dibertsitaterako elkargune bat" eta "gure proiektua gizarte osoari irekitzeko tresna bat".
"Bakearen, demokraziaren eta burujabetzaren alde", igandean Iruñean Aberri Eguna ospatzeko deia egin du EH Bilduk.
Koalizioak Iruñean ospatuko du apirilaren 17an (igandea) Aberri Eguna. Ekitaldi nagusia 12:00etan Golem zinemetatik abiatu eta Sarasate pasealekuan amaituko den manifestazioa izango da. Mobilizazioa Sarasate pasealekuan egingo den ekitaldi politikoarekin amaituko da.
Manifestazioaz eta ekitaldi politikoaz gain, beste hainbat ekitaldi antolatu dituzte iganderako. Gaztelu plaza izango da eguneko eskaintza kulturalaren epizentroa. Bertan, Afrikans eta McOnak taldeek kontzertu bana eskainiko dute. Ondoren, jotak eta Larrain Dantzak entzun eta ikusi ahalko dira. Halaber, haurrentzako ekitaldiak antolatuko dituzte Burgoen plazan.
Sare sozialetan argitaratutako bideo batean, Arnaldo Otegi EH Bilduko koordinatzaile nagusiak Iruñera joateko deia egin die herritarrei.
ERC, Junts, CUP edo BNG alderdiek Iruñeko Aberri Egunean parte hartuko dute
Esquerra Valenciana, Mes Mallorca, Mes Menorca, Andecha Astur eta Puyalon de Cuchas alderdietako ordezkariek parte hartuko dute EH Bilduk igandean Iruñean antolatutako Aberri Egunean.
EAk Iruñeko Aberri Egunean parte hartzeko deia egin du
Eusko Alkartasunak Iruñera joateko deia egin du, Euskal Herria "libre eta burujabea" aldarrikatzeko.
Aberri Eguna topaketarako aukera ez ezik, "etorkizuna erabakitzeko eskubidea aldarrikatzeko" abagunea izango dela uste du EAk.
Zure interesekoa izan daiteke
Santos Cerdanek "gezurrak eta manipulazioak" salatu ditu espetxetik irtetean
Santos Cerdan PSOEko Antolakuntza idazkari ohiak asteazken honetan salatu duenez, "gezurrak" eta "manipulazioak" zabaldu dituzte bere inguruan. Horrez gainera, senideen eta lagunen babesa eskertu du eta "egia gailentzea" espero du. Soto del Realgo (Madril) espetxetik 19:15 aldera atera denean egin ditu adierazpenok, Auzitegi Goreneko epaileak aske uztea erabaki ostean.
UCOren azken txostenak Nafarroako agenda politikoa astindu du
Txinan dagoen Maria Chivite presidenteak adierazi du bere Gobernuan ez dagoela ustelkeriarik. Foru Gobernua sostengatzen duten alderdiek, bestalde, kezka agertu eta zuhurtzia eskatu dute. Bestalde, oposizioak berretsi du Chivite ustelkeriak inguratuta dagoela.
Pradales: "Harreman esparru berri bat zabaldu da Frantziarekin"
Lehendakariak azaldu duenez, Makroeskualde Atlantikoaren gaiak "seduzitu" egin du Catherine Chabaud Frantziako Gobernuko Itsaso eta Arrantza ministroa. Aukera ikusten du "elkarlanean aurrera egiteko".
Fiskaltzak 24 urteko espetxe-zigorra eskatu du Abalosentzat; 19 eta erdikoa, Koldorentzat, eta 7 urtekoa, Aldamarentzat, maskarillen aferagatik
Alejandro Luzon Ustelkeriaren aurkako fiskalburuak behin-behineko ondorioen idazkia aurkeztu du asteazken honetan Auzitegi Gorenean, eta bertan eskatu du bakoitzak ia 4 milioi euroko isuna ordaindu dezala, baita 430.000 euroko enbargoak eta kalte-ordainak ere.
Epaileak aske utzi du Santos Cerdan, kartzelan ia bost hilabete eman ostean
Leopoldo Puente Auzitegi Goreneko magistratuak Santos Cerdan PSOEren Antolakuntza idazkari ohia aske uztea erabaki du, frogak suntsitzeko arriskua "asko murriztu" dela iritzita.
Sanchezek euskal selekzioak ofizial egiteko borondatea azaldu du, baina legezko mugak errespetatu behar direla gogorarazi du
Espainiako presidenteak Euskal Herriaren nahiak entzungo dituela esan du, baina azken erabakia nazioarteko federazioen esku dagoela azpimarratu du.
Chiviteren esanetan, UCOk "ez du Nafarroako Gobernua legez kanpoko kontuekin lotzen"
Nafarroako lehendakariak nabarmendu du bere Gobernuak "barneko nahiz kanpoko auditoriak eskatu" dituela, eta "Parlamentuan irekitako ikerketa-batzordearekin kolaboratzen" ari dela "gardentasun ariketa" eginez. PSN-PSOEren idazkari nagusi gisa azpimarratu duenez, ez zeukan UCOren azken txostenean esan direnen berri eta erabat arbuiatu ditu gertaerak "politikara gizartearen alde lan egitera gatoz, eta ez nork bere alde egiteko".
Albiste izango dira: UCOk Cerdani buruz egindako azken txostena, House Action kongresua eta Etxepare Institutuaren 15. urteurrena
Gaurkoan Orain-en albiste izango direnen laburpena, bi hitzetan.
EAJk ukatu egin du 2018ko zentsura-mozioaren truke izendapenak eskatu izana, eta esan du ez duela "Cerdan sarearekin" zerikusirik
Adierazi dute gezurra dela Espainiako Gobernuari hiru kargu publiko eskatu izana, eta ukatu egin dute Guardia Zibilak obra publikoko ustezko sarearekin zerikusirik izatea, UCOren txosten batek alderdia 2018ko "izendapen-eskaeretan" inplikatu berritan.
Sekretu Ofizialen Legea, "orban" bat Espainiako demokrazian
1968ko Sekretu Ofizialen Legea diktadura frankistaren baitan sortu zen, eta diktadorea hil zenetik 50 urte igaro diren arren, oraindik ez da haren erreforma egin. Espainiako Estatuan indarrean dagoen sekretu ofizialen erregimenak Ministroen Kontseiluari eta Estatu Nagusiko Buruen Kontseiluari ahalmena ematen die Estatuaren segurtasuna eta defentsa arriskuan jar dezakeen informazioa bi kategoriatan sailkatzeko: sekretua eta erreserbatua.