Erkoreka: "Lehendakariaren telefonoan ez dugu infekziorik aurkitu, eta oraingoz sailburuenetan ere ez"
Josu Erkoreka Eusko Jaurlaritzako Segurtasun sailburuak nabarmendu duenez, "gure tresnak konprobatu ahal duten heinean" ez da lehendakariaren telefonoan infekziorik atzeman, eta, sailburuen kasuan, oraindik ikertzen ari badira ere, oraingoz behintzat Pegasusen arrastorik ez da atzeman.
ETB1eko "Egun on Euskadi" saioan asteazken honetan egin dioten elkarrizketa batean Segurtasun sailburuak esan du entzunketena ez dela gauza berria, baina orain arte epaileen baimenak oso mugatuak izan direla: "Nik ezagutzen ditudan baimenak oso zehatzak izaten dira, arrazoi sendoak eta potoloak daudenean norbait zelatatzeko, atzean delitu bat egon daitekeelako. Hemen beste gauza batez hitz egiten ari gara eta hori da kezkagarria", azaldu du.
Gauzak horrela, Erkorekak uste du "dokumentuen desklasifikazioa egitea" benetan interesgarria izango litzatekeela.
Paz Estebanen kargugabetzeaz, berriz, Segurtasun sailburuak adierazi du "joko politikoa" dagoela atzean eta Espainiako Gobernuak beste babes batzuk izango balitu, seguruenik ez lukeela horrelako erabaki bat hartuko: "Nik ez dakit zer gertatu den hor barruan, baina beste babes politiko bat izango balu, ziur asko ez zela dimisiorik izango", azaldu du. Erkorekaren aburuz susmoak daude presioa izan dela hori gertatzeko.
Ertzaintzaren baliabide faltari buruzko salaketen aurrean bere sailak zein asmo duen galdetzean, Erkorekak gogoratu du baliabideak urtero berritzen direla, eta urteko aurrekontuetan sartzen direla "ertzaintzak dituen baliabideak indartzeko, batez ere teknologiaren esparruan". Dena dela zein baliabidez hitz egiten ari diren zehaztea eskatu du salaketa horiek egiten dituztenei; izan ere, bere esanetan, zehaztea eskatu bai, baina ez dute esaten zehazt-mehatz zer falta den.
Erkorekak ez du "gorroto-faktore bat" baztertu Bilboko ustezko krimenetan
Bilboko krimenei dagokienez, Segurtasuneko sailburuak adierazi du ez dela ausartzen ukatzen ekonomikoaz gain, LGTBI kolektiboarekiko "gorroto-faktore bat" egon zitekeela.
Ikerketa "luzea izango da eta ez da hilabeteetan konponduko", izan ere, "froga asko aztertu behar dira", ohartarazi du Erkorekak, eta "zuhurtziaz jokatzeko" eskatu du, "oso gai delikatua delako".
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.