Barkos: "PSNk hanka bat du Nafarroako erregimen zaharrean. Anbizioa falta izan zaio"
Uxue Barkos Geroa Baik Nafarroako Parlamentuan duen bozeramailearen iritziz, "PSNk hanka bat du oraindik Nafarroako erregimen zaharrean". Ildo horretan, "anbizioa" eskatu dio hurrengo legegintzaldira begira.
Radio Euskadiko "Boulevard" saioari eskainitako elkarrizketa batean Nafarroako presidente izandakoak gogorarazi duenez, sozialistek "Navarra Suma jarri zuten Iruñeko zein Iruñerriko hainbat udal gobernuetan, eta aurrekontuetan babesten jarraitu dute". Horren ustez, "begi-bistakoa da PSNk hanka bat aniztasunaren, aurrerabideen eta akordioen politiketan, eta beste bat Nafarroako erregimen zaharrean. Errealitate bat da, baina ez da mugitu ezin den errealitatea".
Geroa Baik aldaketarekiko konpromisoa baduela aldarrikatu du, eta horren alde lanean jarraituko duela erantsi, bai Nafarroako Gobernuari begira zein udaletan. "Uste dut Geroa Bai erabakigarria izango dela Iruñean zein Iruñerrian aldaketa hori egonkortzeko", azaldu du. Aitortu duenez, koalizioko Nafarroako presidentegai izateko prest dago berriro, baina ohartarazi du oraindik zabalik daudela koalizioa berriro osatzeko Geroa Socialverdes eta EAJren arteko negoziazioak. "Bide onetik doaz", argitu du.
Enrique Maya Iruñeko alkateak Radio Euskadiko beste elkarrizketa batean egin zion eskaintzari buruz —"populismoen kontra indarrak batzeko" deia egin zion Geroa Bairi— galdetuta, honakoa erantzun du Barkosek: "Geroa Bai ez da egongo konfrontazioan oinarritutako politikak tartean dituen akordio handietan izango, oso argi dugu bidea ez direla itun zehatzak edota fronteen politika". Hala, "azken 40 urteetan egindako politika aztertzeko" deia egin dio UPNri, eta berretsi du alderdi erregionalistari dagokiola "trantsitu hori" egitea.
Albiste gehiago politika
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.