Bildarratz: "Ez dago eskola publikoaren funtsezko izaeraren inguruko eztabaidarik, hitzarmenean garbi dago"
Gaur goizean Eusko Legebiltzarrean egin duten kontrol saioan, hezkuntza ituna izan da hizpide nagusietako bat. EH Bilduk eta Elkarrekin Podemos-IUk desadostasuna agertu dute Hezkuntza Sailak ikastetxeen planifikaziorako proposatu duen dekretuarekin. Biek ala biek uste dute ikastetxeen sarea antolatzeko eta planifikatzeko dekretua berriak eskola publikoaren aldeko apustu argiagoa jaso beharko lukeela.
EH Bilduri erantzunez Jokin Bildarratz Hezkuntza sailburuak azpimarratu duenez, "ez dago eskola publikoaren funtsezko izaeraren inguruko eztabaidarik, hitzarmenean garbi dago jasota". "Ez dugu bi sareen arteko lehengo eztabaidetara itzuli behar", gehitu du.
Ikotz Arrese koalizio abertzaleko legebiltzarkideak Hezkuntza sailburuari galdetu dio ea dekretu zirriborroari ekarpenik egiteko aukerarik izango den. Azken horrek zehaztu du lan dokumentu bat dela, hain zuzen ere, tramitazioaren hasierako fasean Eusko Legebiltzarrera maiatzaren 5ean bidalitako zirriborroa.
Aurrez, Elkarrekin Podemos-IUk egindako galdera bati erantzunez, hezkuntza akordioa bere osotasunean betetzeko konpromisoa berretsi du lehendakariak. "Ez izan zalantzarik, dekretuak sinatutako akordioaren izpirituari eta letrari erantzungo dio", gaineratu du. Miren Gorrotxategi koalizio moreko legebiltzarkideak kezkatuta mintzatu da. Horren hitzetan, eskola publikoak ardatz izan behar du eta segregazioaren aurkako neurriak hartu behar dira.
Gorrotxategiren arabera, hezkuntza ituna zaindu egin behar da eta bide horretan balioa eman behar zaio jarraipen batzordeari eta behar diren bilera guztiak egin. "Ituna zaindu egin behar da, bai, denok zaindu behar dugu", esan du lehendakariak.
Bestalde, Urkulluk azaldu du Bildarratz sailburuak Hezkuntza batzordean agerraldia egingo duela ekainaren 20an, datozen bi urtetako lan egutegia aurkezteko eta partekatzeko. Aurrez, ekainaren 13an, hezkuntza itunaren jarraipen batzordeak bilera egingo du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.