Otegik ezkerrean "borondate anitzak" batzea eskatu du, "siglak" alde batera utzita
Euskal ezkerrean "borondate anitzak" batzea eskatu du Arnaldo Otegi EH Bilduko koordinatzaile nagusiak, "siglak" alde batera utzita.
Otegik Ezkerra Elkartuzen solasaldi batean parte hartu du Bilbon. Besteak beste, Javier Madrazo, Isabel Lopez Aulestia eta Jose Navas Ezker Batua-IUko buruzagi ohiak, Gemma Zabaleta sailburu sozialista ohia eta Dani Arranz Bizkaiko azken gobernadorea bertan izan dira, baita sindikatuetako ordezkariak eta gizarte mugimenduetako ekintzaileak ere.
EH Bilduren inguruan euskal ezkerren konfluentzia bat osatzea defendatu dute foroko kideek bi artikulutan, "ezker independentistak eta federalismoko edo konfederalismoko sektoreek adostasun proiektu batean elkartzeko arazorik izan beharko ez luketelako".
"Ezkerraren balioen defentsan" zentratu arren, "Euskadik izan behar dituen subiranotasun eta burubide testuingurua ere adostu" behar dituztela dute iritzi.
Otegik solasaldian zehar erantzun duenez, unean "badira baldintzak" euskal ezkerrek "sigletatik harago bidea egin" ahal izateko.
Nabarmendu du EH Bildun "sozialdemokratak, komunistak, sozialistak eta baita liberalen bat ere" daudela eta horrek "etengabeko akordio jarduera eskatzen" diela, eta ezker guztiak elkartzeko "aldeko jarrera" dutela.
Otegiren iritziz, ezkerrak "berrarmatu" beharra dauka mundu osoko eliteen ofentsiba kapitalista eta liberalaren aurrean, eta defendatu du haien proposamen subiranista ez dela "bandera eztabaida bat; non, nork eta nola erabakitzen duenari buruzkoa baizik".
"Guk dena erabaki nahi dugu, eta hemen", gaineratu du, eta gogora ekarri du EH Bilduren autogobernu txostenak ez duela proposamen independentistarik aurkeztu, konfederalista baizik.
Bestalde, Javier Madrazok ezkerraren "hausturarako eta zatiketarako" joera kritikatu du, eta adierazi du zatiketa "nagusia" ez dela independentisten eta independentista ez direnen artean, "goikoen eta behekoen artean" baizik.
Esan duenez, ez du bere burua independentista gisa definitzen den alderdi batean ikusten, baina EH Bildurekin, "euskal ezkerreko indar nagusiarekin" alegia, "espazio komuna" sortzearen alde agertu da.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.