Otegik esan du "autodeterminazioa modan" dagoela Europan Eskoziak erreferenduma iragarri ostean
Arnaldo Otegi EH Bilduko koordinatzaile nagusiak adierazi duenez, "autodeterminazioa modan dago Europan eta munduan". Halaxe esan du Nicola Sturgeon Eskoziako presidenteak herrialde horretan datorren urterako autodeterminazio-erreferenduma iragarri duela jakin ostean. Horren bidez, gaineratu du, "herritarrek aske eta demokratikoki erabakiko dute zein harreman-eredu nahi duten Erresuma Batuarekin eta munduarekin".
Ildo horretatik, baieztatu du Euskal Herrian eta Europako estaturik gabeko gainerako nazioetan egin beharreko eztabaida dela. "Eztabaida demokratikoa delako, erabakiak jendearen esku uzten dituelako eta jendeari neoliberalismoak eta estatu batzuek murriztu nahi dioten zerbait ematen diolako, hau da, bere bizitza bere erabakien mende egotea eta ez beste inoren mende".
Otegiren ustez, nazioarteko komunitatean "naturaltasunez" ikusten den proposamena da erreferenduma, "nazioarteko eragileei inolako oztoporik jartzen ez diena", eta "eskoziarrek euren etorkizuna libre eta demokratikoki erabakiko dutela" nabarmendu du.
Horrela, euskal herritarrek ere hala egin nahi dutela azpimarratu du, "katalanek egin nahi duten bezala".
Testuinguru horretan, Pirinioetako Bidea ekimenean parte hartzeko deia egin du. "Iruditzen zait garrantzitsua dela Pirinioetan jendeari itxaropena eta segurtasuna ematen dion argia piztea, eta gure herriari erabakimen askerako eskubidea, erabakitzeko eskubidea, eskatzea. Hori da bide ona, Europan modan dagoena eta gero eta herri gehiagok eskatzen dutena. Mundu guztiak gauza berberak eskatzen dituenean, historiaren kontrako norabidean daudenak dira gauza horiek ukatzen edo eragozten saiatzen direnak. Euskal Herriak, munduko anbizio independentista guztiarekin, Pirinioen zati bat hartuko du asteburu honetan", adierazi du.
Zure interesekoa izan daiteke
Ultraeskuinak tratu txarren zerbitzura dagoen diskurtsoa duela esan du PSE-EEko presidenteak
Cristina Gonzalez PSE-EEko presidenteak esan du ultraeskuinak "erantzukizuna" duela indarkeria matxistan, hori gauzatzen dutenen zerbitzura jartzen den "giro politikoa" sortzen duelako.
?fmt=webp-alpha&qlt=80)
Lau pertsona atxilotu dituzte urriaren 30ean Nafarroako Unibertsitatean izandako istiluengatik
Istiluak Nafarroako Unibertsitatearen inguruan jazo ziren, Vito Quiles eskuin muturreko ekintzaileak ekitaldi bat deitu ondoren. Azkenean, bertan behera utzi zuen deialdia.
Europak "Euskadi bezalako" Estaturik gabeko nazioak kontuan har ditzala eskatu du Pradalesek
Europako Alderdi Demokratak (PDE) urteroko kongresua egin du ostiral honetan BECen. Bertan, Europako alderdietako buruzagi politikoak, aktibistak eta intelektualak izan dira.
Espainiako Gobernuak garraio publikoko deskontuak luzatzeko asmoa duela egiaztatu du Jaurlaritzak
Garraio publikoan hobariak mantentzearen alde agertu da Lakua, eta, luzatzen ez badira, "horri buruzko bide-orri propioa" martxan jartzearen alde.
Bingen Zupiriaren ustez, atxilotuen jatorriaren berri emateak "gezurraren eta estigmatizazioaren aurka borrokatzeko" balio du
Bingen Zupiria Eusko Jaurlaritzako Segurtasun sailburuaren arabera, neurriak "gauzak informazio egokiarekin argitzen laguntzen du", baina "batzuk itxura eman nahi dute datuak ezkutatu nahian gabiltzala". EH Bilduk, berriz, eskuinaren diskurtsoa elikatzea eta kritikei entzungor egitea leporatu dio sailburuari.
Gasteizek erantzukizunak eskatu dizkio Estatuari 76ko martxoaren 3ko eta 78ko sanferminetako gertaerengatik
Beste hainbat elkarterekin batera Martxoak 3 eta Sanfermines 78 Gogoanek aurkeztutako mozioa onartu du Udalbatzak.
El Ventorroko jabeak adierazi du ez zituela Mazonen deiak entzun eta 18:30ak eta 19:00ak artean joan zela
Valentziako Generalitateak GOIDIAren inguruan egin zuen kudeaketa ikertzen ari den Catarrojako (Valentzia) epailearen aurrean deklaratu behar izan du ostalariak. Ez zuela Mazon telefonoz hitz egiten entzun esan du eta ez zitzaiola iruditu presidentea arduratuta zegoenik.
Sumarrek ez du Eusko Jaurlaritzarekin negoziatzen jarraituko eta osoko zuzenketa aurkeztuko die aurrekontuei
Halaxe iragarri die Jon Hernandez Sumarreko legebiltzarkideak komunikabideei. Hernandezek salatu du Jaurlaritzak erakutsi duela ez duela Sumarrekin negoziatu nahi datorren urteko kontuei taldeak balizko babesa ematea.
Abiadura Handiko Trenaren konexioan "inplikatzeko" eskatu dio Pradalesek Macroni gutun bidez
Javier de Andres EAEko PPko presidenteak Legebiltzarrean egindako galdera bati erantzunez, lehendakariak esan du atzerapenak "oztopo" direla Euskadiren garapenarentzat. Horregatik, gutun bana bidali die Emmanuel Madron Frantziako presidenteari eta Sebastien Lecornu Frantziako lehen ministroari, Hendaia-Dax-Bordele konexioan "inplikatzeko" eskatuz.
Pradalesek diktaduran egindako bidegabekeria konpontzeko eta aitortzeko keinu bat egitea eskatu du
Imanol Pradales lehendakariak Espainiako Estatuak diktaduran egindako bidegabekeria konpontzeko eta aitortzeko eskatu du. Lehendakariaren hitzetan, "Estatuak oraindik zor handia du Euskadik iraganean jasandako bidegabekerien aitorpenean".