Gipuzkoatik Gironara arteko mendiak argituko ditu 'Pirinioetako Bideak' gaur, erabakitzeko eskubidearen alde
Euskal Herriko eta Kataluniako hainbat kolektibok, tartean Gure Esku mugimenduak, Pirinioetako Bidea ekimena egingo dute larunbat honetan, uztailak 2, Euskal Herria eta Katalunia arteko 300 gailur baino gehiago argiztatzeko. Helburua: bi herri horien autodeterminazio eskubidea aldarrikatzea.
Gipuzkoako Jaizkibel mendia izango da Pirinioak argituko duen argi-lerroaren euskal abiapuntua. Hala, Higer lurmuturretik Creusera (Girona) arteko mendikate guztia argituko dute.
Josu Etxaburu Gure Eskuko bozeramaileak dioenez, dena prest dago erronka aurrera eramateko: "Harrera izugarri ona izan du; izan ere, euskal herritarrek bat egin dute ekimenarekin". Era berean, oraindik izena emateko aukera dagoela gogorarazi du.
Antolatzaileen arabera, arrazoi geografikoengatik Pirinioetan zehar toki guztietan aldi berean iluntzen ez dela kontuan hartuta, 22:00etan izango da argiak pizteko ordua, farol bereziak edo linternak erabilita, Pirinioetako mendikate osoa argiztatzeko, Gipuzkoatik Gironaraino. "Zoragarria izango da, bihotzean gordetzekoa", dio Etxaburuk.
Ekimen horren bidez, Etxaburu eta Amalur Álvarez bozeramaileek nabarmendu dute nazioarteko komunitatearen arreta eskatu nahi dutela autodeterminazioaren alde; izan ere, euren ustez, "erabakitzea ez da inoiz gatazka iturri, erabakia ukatzea, aldiz, bai. Arazoa ez dago, beraz, Katalunian edo Euskal Herrian; arazoa Estatuena da".
Hemen gailurrak eta zein herriri "egokitu" zaizkien:
Horrela, gailurrak sektoreka eta multzoka banatuta antolatu dituzte: berdeak, mota guztietako mendizaleentzat egokiak; eta gorriak, eskarmentu handiko alpinistentzat bakarrik egokiak. Lehenengoetan, izen-ematea librea da; beraz, edonork aukera dezake mendi mota hori; gorrien kasuan, aldiz, antolatzaileek mendi talde adituei esleitu diete erronka.
Hori izango da Euskal Herriko eta Kataluniako gizarte erakundeek elkarrekin antolatu duten lehen mobilizazioa; hain zuzen ere, erronka hori Assemblea Nacional Catalana (ANC), Gure Esku eta Federació d'Entitats Excursionistes de Catalunya (FECC) elkarteek antolatu dute, eta Omnium Cultural elkartearen laguntza du. "Itxaropenezko milaka eta milaka argi piztuko ditugu Pirinio osoan zehar. Askatasunerako bidea argiztatuko dugu. Etorkizun hobe eta libreago batekin egingo dugu amets. Jendearen indar eta determinazioarekin, oztopo guztiak gainditzeko gai izango gara", nabarmendu dute antolatzaileek.
Zure interesekoa izan daiteke
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.
Nafarroako torturaren beste zortzi biktima aitortu ditu Foru Gobernuak
Ebazpen horiekin, dagoeneko 137 dira 16/2019 Foru Legearen esparruan ofizialki indarkeria politikoaren biktima gisa aitortutako pertsonak.
Zupiriak Ertzaintzak Flotillako kideen harreran izandako jarrerari buruzko azalpenak emango ditu eguerdian Legebiltzarrean
Segurtasuneko sailburuaren agerraldia Eusko Legebiltzarreko Erakunde, Gobernantza Publiko eta Segurtasun Batzordean izango da. Arartekoak ofiziozko espedientea ireki du Ertzaintzak Loiun izan zuen jokabidearen aurrean.
Ikertzaileek uste dute Zapaterok etxetik ematen zituela "jarraibide" nagusiak
Espainiako presidente ohiak Madrilgo Las Rozas auzoan duen bizitokia ustezko ustelkeria sarearen gune garrantzitsua zela dio UDEFen txostenak, nahiz eta epaileak ez zuen eman hura miatzeko baimenik.
Semperrek EAJri eskatu dio Estebanen hitzekin "koherente" izateko
Datorren asteazkenean, PPk mozio bat aurkeztuko du Senatuan, Espainiako Gobernuaren jokabidea gaitzestea eskatzeko. Hedabideen aurrean egindako agerraldian, Borja Semper PPko bozeramailea Gobernua babesten duten alderdiei zuzendu zaie, eta bereziki EAJri, ekimena babestea eskatzeko. Uste du aukera aparta dutela jeltzaleek Aitor Esteban EBBko presidenteak asteburuan esandakoekin "koherente" izateko.
Arartekoak ofiziozko espedientea ireki du Ertzaintzak Loiun izan zuen jokabidearen aurrean
Ebazpenean, Arartekoak adierazi du "gertaeraren larritasunak eta horrek izan duen eraginak" bultzatuta hartu duela espedientea zabaltzeko erabakia, egiaztatu nahi duelako indarraren erabilera eta Barne Arazoetarako Buruzagitzak abiatutako barne ikerketa bat datozen "aplikatu beharreko arauekin eta Segurtasun Sailak ekintza polizialen inguruan zehaztutako jarraibideekin".
Nafarroako Parlamentuak atzera bota ditu Athleticen elastikoaren aurkako bi ekimen
Adierazpen instituzionalerako bi proposamenetan, UPNk eta Voxek Parlamentuari eskatu diote Athleticek ekipazio berrian Nafarroa Euskal Herriko mapan sartu izana salatzeko.
Podemosek Bingen Zupiriaren dimisioa eskatu du, Ertzaintzak flotillaren aurka erabilitako "basakeria polizialagatik"
Pablo Fernandez Podemoseko bozeramaileak "gaitzesgarritzat" jo du ertzainen jokabidea. Sumar alderdiko legebiltzarkide Jon Hernandezek salatu du Ertzaintzaren jarduna “argi eta garbi neurrigabea” izan zela.
Sanchezek Espainiako Gobernuaren kudeaketa defendatu du eta jarraitzeko prest dagoela adierazi du
Espainiako presidenteak adierazpenok egin ditu Estebanek atzo esandakoen ondotik; izan ere, buruzagi jeltzaleak legegintzaldia aurten amaitzeko eskatu zion presidenteari, jarraitzea “arduragabekeria” litzatekeela iritzita.
Begoña Gomezen katedra aurreikusitako araudiaren arabera sortu zela ondorioztatu du UCOk
UCOk Juan Carlos Peinado epaileari bidalitako txostenen arabera, katedra aurreikusitako izapideen arabera sortu zen, eta Gomezen banku-kontuen informazioa "bat dator jarduera profesionalen garapenarekin". Hala ere, irregulartasunak topatu ditu katedraren softwarea garatzeko bi enpresei egindako kontrataziotan: Deloitte Consulting eta Making Science Group.