Podemos "martxan" jarri da udal-hauteskundeei begira
Podemos Ahal Duguk "Udalak martxan" ekimena jarri du gaur abian udal eta foru hauteskundeei begira, galdutako babesa berreskuratzeko eta azpimarra "munizipalismoan" jarrita herritarrek politikarekiko duten etsipena gainditzeko asmoz.
Hori horrela, alderdiko kideak Kexaan (Araba) elkartu dira, eta bertan, Lilith Verstrynge alderdiaren Estatu mailako Antolakuntza idazkariak esan du "orain, inoiz baino gehiago, munizipalismoa" egin beharra dagoela alderdia "izan zenera" itzultzeko.
"Indar handia jarri behar dugu udal politikan, horrek itzularaziko gaituelako izan ginen eta izan nahi dugun horretara", azpimarratu du Verstryngek.
Antolakuntza idazkariak aitortu du "etsipena" sortu dela Podemos Pedro Sanchezen Espainiako Gobernuan sartu zenetik, "sistemari buelta emateko" helburuarekin sartu zirelako, eta azkenean mugak aurkitu dituztelako: "Aldaketak egin nahi izan arren batzuetan guztia ez duzu alde".
Herritarrek politikariekiko duten "etsipena"z hitz egin du, eta pertsonekiko gertutasuna berreskuratzearen garrantzia azpimarratu. Horretarako, udal politika jarri du erronka gisa, eta alderdikideei dei egin die Euskadi osoa zeharka dezatela, udal bat bera ere atzean utzi gabe.
Pilar Garrido Podemos Ahal Duguren koordinatzaileak ere hartu du hitza gaurko jardunaldian, eta krisiari aurre egiterako garaian Eusko Jaurlaritzak porrot egin duela salatu du, euskal gizartean "geroz eta desberdintasun handiagoak" daudelako, "pobrezia handiagoarekin". Horregatik, udal eta foru gobernuetan EAJren eta PSE-EEren alternatiba izan nahi omen dute.
Hala, "premiazko" jo du "milioi askotako" etekinak lortzen dituztenei aparteko zerga bat ezartzea, tartean energia sektoreko enpresei, eta zerga erreforma "justuagoa" egitea.
Aldaketa burura eramateko udal mailatik hasi beharra dagoela nabarmendu du, eta alderdia dagoen lekuetan herritarrek "berdintasun, eskubide eta parte-hartze" handiagoa dutela.
Era berean, Euskadin gobernatzeko proiektua izango duen "bloke kontrahegemonikoa" osatzea eskatu du. "Euskal eremu anitza eta ezkertiarra, ahots desberdinak batuko dituena proiektu komun batean. Euskal herritar izateaz harro, baina Estatuko gainerakoekin loturari eutsiz. Estatuko gainerako herriekin bizikidetzarako proiektu komuna antolatzea", gaineratu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.