ETAko presoen zigorren metaketa eta epaileek jartzen dituzten "oztopoak" gainditzeko eskatu du Foro Sozialak
Foro Sozialak espetxe politikan egindako aurrerapenak aintzat hartu ditu, eta etorkizun hurbilerako erronka batzuk azpimarratu ditu, oraindik indarrean dagoen "salbuespenezko espetxe politikarekin bukatzeko". Besteak beste, Europako beste estatuetan bete diren zigorren metaketa eta Auzitegi Nazionalean eragina duten "lobbyek" sortutako oztopoak aipatu dituzte aldatu beharreko elementuen artean.
Nekane Altzelai, Nazario Oleaga eta Agus Hernan bozeramaileek emandako prentsaurreko batean, Foro Sozialak nabarmendu du Eusko Legebiltzarrean, Nafarroako Parlamentuan eta Diputatuen Kongresuan espetxe politika aldatzen jarraitzeko gehiengoak daudela, eta hauteskundeen ondoren gauzak aldatu daitezkeen beldur, "eman beharreko pausoak are premiazkoagoak" direla ohartarazi dute, "atzera egiteko oso zaila izango den egoera bat finkatu behar baita".
Egindako aurrerapenen artean aipatu dituzte sakabanaketa politikaren bukaera (102 preso Euskal Herrian daude eta 65, inguruko zentroetan), graduen aplikazioa (22 hirugarrenean daude eta besteak, bigarrenean), espetxe politikaren "humanizazioa" eta EAEri eskumena transferitzea. Hori lortzeko bidean presoen harreren eta "kontakizunaren batailaren" auziak gainditu direla azpimarratu Foro Sozialak.
Europako beste estatuetan jadanik betetako zigorrak oraindik metatzen direla deitoratu du Foroak eta, gainera, Auzitegi Nazionalean eragin handia duten lobbyek zailtasun berriak sortu dituztela, "duela bi urte ez zeudenak".
"Ildo horretan aipatu behar dira, batez ere, Auzitegi Nazionalak motibazio politikoko delituengatik kondenatutako presoak birgizarteratzeko ibilbideei eta, bereziki, bigarren graduko baimenei eta hirugarren gradurako bilakaerari jartzen dizkien oztopoak, azaldu dute bozeramaileek.
Zenbait epaileren jarrera "oztopatzailea" eta zigorren metaketa aldatzeaz gain, Foro Sozialak uste du oraindik Euskal Herritik kanpo dauden presoak EAEko edo Nafarroako espetxeetara lekualdatu behar direla.
"Foro Sozial Iraunkorrak, espazio diskretu eta publikoetan, ekarpenak egiten jarraituko du presoen auziari behin betiko konponbidea emateko, hiru premisatan oinarrituta: adostasunak, biktimekiko errespetua eta espetxe-politika arrunta aplikatzea. Hori guztia, helburu batekin: bizikidetza demokratikoari ekarpena egitea", gehitu dute.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.