Auzitegi Nazionaleko Fiskaltza "eskuin-mutur politikoaren beso juridikoa da", salatu du Sarek
Sare Herritarrak Auzitegi Nazionaleko Fiskaltza salatu du larunbat honetan Donostian, "eskuin-mutur politikoaren beso juridikoa baita". 'Etxera bidea gertu' goiburupean Sarek berak, Donostiako Piratek eta Donostialdeko Jai Batzordeak deitutako manifestazioa amaituta, Sarek adierazi du "espetxeak bere baitan biltzen duen etxeratze-prozesua gauzatzeko ordua" dela: "Bide horretan aurrera eginez jarraitu beharra dugu".
Testuinguru horretan, martxa amaituta, Sarek testua irakurri du, eta salatu du Auzitegi Nazionaleko Fiskaltzak "etengabe" jartzen dituela helegiteak espetxeetako Tratamendu Batzordeen erabakien harira, "espetxeko hirugarren gradua eta baimenak onartu nahi direnean".
"Etengabeko konfrontazioaren alde egin dute, bake justurantz eta, horren bidez, bizikidetzarantz igarotzeko aukera galarazteagatik", esan du Sarek.
Sareren iritziz, "salbuespenak araua izateari utzi behar dio, etxeratze-prozesuan: "Graduen progresioa, irteera-baimenak, larriki gaixo diren presoen etxeratzeak, gurasotasun- eta familia-eskubideak… Bi horretan aurrera eginez jarraitu beharra dugu", nabarmendu dute.
Urriaren 8an, mobilizazio handia
Sarek gogora ekarri du urriaren 8an, Donostian ere, "Izan Bidea" ekimenaren erronka burutzeko mobilizazio handia egingo duela: "Egun horretan", dio Sarek, "Donostia txiki geratu behar zaigu. Egin dezagun irribarre, baina lan egiten jarraitzeko, atzerapausorik eman gabe".
"Gaur egun, 58 euskal preso Euskal Herritik urrun daude", azpimarratu du Sarek. Martxa 12:30ean hasi da, Boulevarden, eta Portuan amaitu. Tartean, EH Bilduko kide batzuk izan dira, adibidez Juan Karlos Izagirre Donostiako alkate ohia, eta Reyes Carrere, alegia, koalizioak Udalean duen bozeramailea.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".