Itxasok ziurtatu du Espainiako Gobernuaren asmoa autogobernuan aurrera egitea dela, "Estatutua bete arte"
Denis Itxaso Espainiako Gobernuak Euskadin duen ordezkariak ziurtatu du Moncloaren asmoa euskal autogobernuan urratsak ematea dela, "Estatutua bete arte". Horiexek izan dira Itxasok emandako azalpenak azken egunetan sortutako ika-mikaren ondotik. Hain zuzen, Euskadiri geratzen zaizkion zenbait eskualdatzek "txertatze zaila" dutela esan zuen Itxasok aurreko asteburuan.
Horrela, Radio Euskadiko 'Boulevard' saioan egindako elkarrizketa batean, Denis Itxasok ñabardura egin du esandakoaren aurrean. Bere esanetan, "ika-mika ulertzen" badu ere, "hau da euskal autogobernuan gehien sakondu duen gobernua, Mariano Rajoyrenak ez bezala, hark ez baitzuen batzordea deitu behin ere ez".
Halere, onartu duenez, "zailtasunak daude zenbait eskumenen kasuan", kostaldekoan, esaterako, "Gernikako Estatutuan ez baitago jasota", baina "alternatibak bilatzen" ari direla ziurtatu du.
Transferentzien Batzorde Mistoa berriz noiz bilduko ote den galdetuta, Espainiako Gobernuaren ordezkariak ziurtatu duenez, "asmoa da Batzordea berriro biltzea, baina, horretarako, aurretik zenbait akordio egin behar dira".
Era berean, atzo Andoni Ortuzarrek Radio Euskadin esandakoak ere izan ditu hizpide Itxasok. EAJren EBBko presidenteak Espainiako Gobernua kritikatu zuen eskumenak transferitzeko egutegia ez betetzeagatik, eta ohartarazi zuen EAJ "aske" sentituko dela Sanchezek jeltzaleekin duen akordioa betetzen ez badu.
Sanchezen Gobernuko ordezkariak garrantzia kendu die buruzagi jeltzaleak esandako hitzei, eta ziurtatu du harremanak onak direla. Nik dena ulertzen dut, baina modu publikoan eszenifikatu egiten da Gobernuaren gainean egin nahi duten presioa. Halere, uste dut emaitza agerikoa dela, autogobernuan esparruan emandako urratsei begiratuta: 11 eskumen transferituta, eta batzordea lau aldiz deituta izan da", ziurtatu du.
Albiste gehiago politika
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.