"Berandu baino lehen, Kataluniako Errepublika errealitate izatea" aldarrikatu du EH Bilduk
Irailaren 11ro bezala, Diadako ekintzetan parte hartzen ari dira EH Bilduko hainbat ordezkari Bartzelonan. ERCk gonbidatuta, atzo gauean Fossa de les Moragueseko lore eskaintzan parte hartu zuten eta gaur goizean, Rafael Casanovari eskainitako lore eskaintzan izan eta gero, Bakartxo Ruiz Nafarroako Parlamentuko EH Bilduko bozeramaileak babesa adierazi die kataluniako herritarrei.
"Aurten ere, urtero bezala, Euskal Herriko ezker subiranistako ordezkariak Bartzelonan gaude, Diada ospatzeko, Kataluniako herriari gure babesa adierazteko. Gaurko mezua argia da: EH Bildu konprometitua dago demokraziarekin, herrien erabakitzeko eskubidearekin eta estaturik gabeko nazio guztien autodeterminazio eskubidearekin, bai Katalunian, bai Euskal Herrian, bai Espainiako estatu osoan eta bai mundu zabalean. Gaur bereziki aldarrikatzen dugu Kataluniako herritarrek beren etorkizuna modu libre eta demokratikoan erabakitzeko duten eskubidea, berandu baino lehen Kataluniako errepublika independentea errealitatea izan dadin" esan du Ruizek.
Jon Iñarritu EH Bilduk Kongresuan duen diputatuak Kataluniak "izan nahi duena izan ahalko duela" defendatu du, "herri batua eta ausarta delako".
ERCk Diada dela eta antolatutako ekitaldi nagusiaren hasieran, Bartzelonako Bruc kalean egindako bazkarian, Iñarrituk azken urteetako manifestazio independentistak goraipatu ditu. "Estaturik gabeko nazioek batak bestea daukagu. Elkarrekin lan egiten dugu eta Historiak ematen dizkigun lezioetatik ikasten dugu" esan du, eta Katalunia independentzia lortzetik "gertuago" dagoela ziurtatu du.
Sortu, EA eta Alternatibako hainbat kidek osatu dute EH Bilduren ordezkaritza Bartzelonan.
1714an Espainiako Oinordetzaren Gerra bitartean gertatutako Bartzelonako erorketa gogoratzen da Diadan, irailaren 11n, 1980az geroztik. 14 hilabeteko setioaren ondoren erori zen Bartzelona eta bertan behera geratu ziren Kataluniako erakundeak.
Goizean, elkarte zein alderdi politikoek Bartzelonan zein Kataluniako beste leku batzuetan Rafael Casanova eta Josep Moraguesen omenezko monumentuetan lore eskaintzak egiten diztuzte. Alderdi independentistek Fossar de les Moreresen, Bartzelonako setioko defendatzaileak lurperatuak dauden tokian ere eskaintzak egiten dituzte.
Arratsaldean, berriz, manifestazioa izaten da. Aurten, lehen aldiz, ERCk ANC deitutako manifestaziora ez joatea erabaki du, "independentziaren alde baino, euren kontra" dela egotzita.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.