Izagirre: "Kritikatik harago konpromiso garaia da; EH Bilduk alternatiba bat eman behar du, sinesgarria"
Udaberrian egingo diren udal eta foru hauteskundeak gero eta gertuago dauden honetan, Juan Karlos Izagirre EH Bilduren Donostiako alkategaia elkarrizketatu dute Euskadi Irratiko "Faktoria" saioan. Deskonexio bat nabaritzen du oraingo udal gobernuaren eta herritarren artean, horren iritziz, hartu diren erabaki askok ez dutelako bat egiten herritarrek behar edo nahi dutenarekin. Dena dela, kritikatik harago, konpromiso garaia dela uste du, eta argi dauka EH Bilduk alternatiba bat eman behar duela, sinesgarria eta sendoa izango dena.
Juan Karlos Izagirrek azaldu duenez, herriarentzat onuragarria izango den programa bat dauka eskaintzeko EH Bilduk. Autokritika ere egin du eta "gaizki egindakoak edo herriarekin konektatu ez duten erabakiak" norabide berrian jartzeko asmoa agertu du. "Gure misioa dauden arazoei soluzioak eskaintzea da, eta hori da egingo duguna", gaineratu du.
Izagirreren arabera, 2015ean Donostiako alkate izateari utzi zionetik, hiria transformatu egin da, baina ez norabide onean. Adibide gisara aipatu ditu etxebizitza, turismoa edo trafikoa. Nabarmendu du, egunerokotasunean eragin handia duten gaiak izaki, aldaketa horien onurak eta kalteak ondo neurtu behar direla. Halaber, garrantzia handia eman dio donostiarren ahotsa entzuteari eta erabakiak azaltzeari. "Uste dut horrela ez dela egin, eta hortik, jendearen haserrea", gehitu du.
EH Bilduko hautagaiaren hitzetan, turista "mimatu" egin behar da, baina bere hirian eta auzoan gustura sentitu behar dutenak auzotarrak eta hiritarrak dira. "Lehentasuna izan behar du hiritarrak kaltetuak ez izatea", zehaztu du.
Gaur aurkeztuko da Frantziako Tourraren 2023ko edizioa. Lehen etapa Bilbon hasiko da, eta bigarrena, ostera, Donostian amaituko da. Tourra ekartzea ideia ona dela adierazi du, baina erabakiak hartzen direnean ondo kalkulatu behar direla kostuak, kalteak eta onurak. Dena dela, horrelakoak behar direla iritzi dio, Donostia bihurtuko delako mundu guztiaren erreferentzia, bisitariak erakarriko dituelako, eta ondorioz, diru sarrerak izango direlako. "Uste dut positiboa dela hiriarentzat, esplikatuz eta ondo neurtuz", amaitu du.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.