Guardia Zibilak istiluen aurkako materiala erabili zuen ekainaren 24an, eta barruko kamerak ez zebiltzan
Kongresuko Barne Batzordeko diputatu talde bat Melillan izan da, joan den ekainaren 24an izandako tragediari buruzko informazioa biltzeko, baina azalpenak ez zaizkie nahikoak iruditu. Orain, Madrilen, grabazioen edukia ikusteko hitzorduaren zain geratu dira.
Diputatuak Melillako mugako pasabidean ibili dira. Ekainean, hiri autonomoa eta Nador bereizten dituen mugako hesian jauzi masiboa izan zen, eta gutxienez 23 pertsona migratzaile hil ziren saiakeran.
Gertakariaren ondoren, Espainiako eta Marokoko agintariek egindakoa defendatu zuten, pertsona migratzaileen indarkeria salatuz. Hala ere, BBCren erreportaje batek zalantzan jarri ditu bertsio horiek, ziurtatu baitu Espainiako Poliziak ez zuela eragotzi dozenaka migratzaile bere mugan hiltzea.
Guardia Zibilak baieztatu egin die diputatuei istiluen aurkako materiala erabili zutela mugaren alde espainiarretik sarrera saiakera saihesteko.
Maria Carvalho ERCko diputatuak kazetarien aurrean azaldu duenez, Arturo Ortega Melillako Guardia Zibileko teniente koronelak emandako datuen arabera, sarrera saiakera horretan, 270 salba eta 65 gomazko bala jaurti zituzten.
Era berean, 28 ke pote, 86 gas negar-eragile pote eta 45 aerosol erabili zituzten, "piper-gasa izan daitekeena", Carvalhok zehaztu duenez.
Hala ere, diputatuen ordezkaritzak (PSOE, Unidas Podemos, PP, ERC, EAJ eta EH Bilduko ordezkariek osatzen dute) egiaztatu ahal izan du Polizia Nazionalak leku horretan dituen barne kamerek ez zutela funtzionatzen gertakarien egunean.
Jon Iñarritu EH Bilduko diputatua Melillako hesian. Argazkia: EFE
Jon Iñarritu EH Bilduko diputatuak kazetariei adierazi dienez, Guardia Zibilak helikoptero, drone eta kameretatik hartutako irudiak daude, eta, horiei esker, "argi eta garbi ikus daiteke zer gertatu zen".
Zehazki, grabazio horietan mugako atea hautsita agertzen da, eta "pertsona andana bat lurrean, zaurituta edo hilda daudela pentsa daiteke", EH Bilduko diputatuaren arabera.
Batzordeko kideek ikus-entzunezko gainerako materiala Kongresuan ikusi ahal izango dute, baina oraindik ez dago data zehatzik.
Irudiak ikusi eta segurtasun indarren informazioa jaso ostean, Enrique Santiago Unidas Podemoseko diputatuak esan du "itxura guztien arabera, Espainiako agintarien kontrolgunean hildakoak" izan zirela hesira salto egiteko saiakeran.
Hedabideei egindako adierazpenetan, Grande-Marlaska ministroak esan du ekainaren 24an "EBren mugei eraso bortitza eta oso bortitza" egin zietela. Ministroaren arabera, egoera horren aurrean Guardia Zibilak "legezkotasun, proportzionaltasun eta beharrizanen parametroetan jardun zuen", eta ez zen hildakorik izan Espainian.
Gertakaria jazo zenetik, talde politiko gehienek gertatutakoaren "premiazko" azterketa eskatu dute. Uztailean, diputatuek ikerketa batzorde bat sortzea eskatu zuten Kongresuan, gertatutakoa argitzeko, baina ez zuten martxan jartzea lortu.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".