EAko militante izateko debekuaren aurka Maiorga Ramirezek aurkeztutako demanda baztertu du epaitegiak
Gasteizko Lehen Instantziako 6. Epaitegiak baztertu egin du izapidetzeko onartzea Maiorga Ramirezek eta Eusko Alkartasuneko beste hiru afiliatuk aurkeztutako demanda; hain zuzen, horien eskaria zen EAko militante izateko debekua bertan behera geratzea kautela neurriekin. EAko sektore kritikoak, alegia, Ramirezen sektoreak, deitoratu du Zuzendaritzaren nahia dela "ezkutatzea" hilaren 16an kanporatzeen epaiketako bista nagusia egingo dutela, eta Eba Blanco idazkari nagusiak berak agertu beharko duela.
Baztertutako demanda irailean aurkeztu zuten, eta hasiera batean izapidetzeko onartu zuten. Sektore kritikoaren iritziz, hori "ezbehar judiziala" izan zen Blancorentzat, EAk ohar batean gogora ekarri duenez. Azkenean, baina, epaitegiak ebatzi du "kautela neurriak hartzeko eskaria aintzat ez hartzea".
EAk zehaztu duenez, asteartean datatutako auto batean, magistratuak baztertu egin du Maiorga Ramirezen, Miren Aranoaren, Iratxe Lopez de Aberasturiren eta Mikel Goenagaren eskabidea; besteak beste, argudioa da horiek "beste pertsona batzuek irekitako prozedura" baliatzen ari direla, salatua bera izanda, "prozedimendu nagusiarekin inolako loturarik ez duten kontuak eskatuz".
Epaiaren berri izanda, EAko Zuzendaritza Nazionala pozik agertu da: "Egia albiste faltsuak behin eta berriz zabaltzeko estrategiari gailentzen zaio. Maiorga Ramirezek eta bere taldeak etengabe judizializatzen dute alderdiaren jarduera, eta ez dituzte errespetatzen afiliatuen gehiengoak alderdiko organoetan hartutako erabakiak".
"Hilaren 16an kanporatzeen epaiketako bista nagusia izango dela ezkutatu nahi izan dute", dio sektore kritikoak
Sektore kritikoak (Maiorga Ramirez horretan dago), baina, deitoratu du, beste ohar baten bidez, EAko Zuzendaritzaren nahia izatea "asteazkenean, hilaren 16an, kanporatzeen epaiketako bista nagusia izango dela", "eta Eba Blanco idazkari nagusiak agertu beharko duela". Halaber, iturriaren arabera, tramitera onartu dute hainbat afiliatuk jarritako demanda, "Zuzendaritzak egin nahi duen sasi-kongresuaren irregulartasun larriak salatzeko; izan ere, primarioak berriro egin behar dituzte, epaileak hala esanda, baina saihestu nahi dituzte".
Agiri batean, sektore kritikoak, Eba Blancoren Zuzendaritzak sinatutako prentsa oharraren gainean, adierazi du islatzen duela "urduritasuna, eta epaiketa nagusiek ekarriko dituzten ondorio politiko eta juridikoak indargabetzeko nahia". Diotenez, Zuzendaritza Nazionala "itsututa dago, errealitatea ezkutatzeko. Epaitegiek, behin eta berriz, Eba Blancok egindako irregulartasunak egiaztatu dituzte". Sektore kritikoaren iritziz, Zuzendaritzaren asmoa, orain, "hori ezkutatzea" da, "kontuaren mamiari eragiten ez dioten ebazpenak nabarmenduz".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.