Harkaitz Millan Gipuzkoako Aldundiko Kultura eta Gaztedia diputatuak kargua utzi du "gertakari larriengatik"
Harkaitz Millan Gipuzkoako Foru Aldundiko Kultura, Gazteria eta Kirol arduradunak kargua utzi du igande honetan, atzo gauean agintaritzaren aurkako atentatuagatik atxilotua izan ostean, EITB Mediak baieztatu ahal izan duenez.
Gipuzkoako PSEk oharra kaleratu du Millanek dimititu egin duela baieztatuz, "arrazoi pertsonalak" argudiatuta.
Maria Jose Telleria Etxeberriak ordezkatuko du karguan, gaur egun Aldundiko Kulturako zuzendari nagusia denak. Etxeberria eibartarra da, 51 urte ditu, eta Kazetaritzan lizentziaduna da. 1999 eta 2015 artean, zinegotzi izan zen Eibarren, Kulturako zuzendari izendatu aurretik.
EITB Mediak jakin ahal izan duenez, Millan Donostiako Alde Zaharreko pub batetik bota dute goizaldean, "emakume batekin liskarrean hasi, eta hura iraintzeagatik". Segurtasun kideek kanporatu ondoren, aurre egin die bertaratutako Ertzaintzako agenteei, eta horiek atxilotu egin dute, agintaritzaren aurkako atentatu-delitua egotzita. Atxilotuta eraman dute komisariara.
Gipuzkoako diputatu nagusiaren komunikatua
"Bart, Donostian, Harkaitz Millan Kultura, Gazteria eta Kirol diputatua protagonista izan zuten gertakari larriak ezagutu ostean", Markel Olano Gipuzkoako diputatu nagusiak Millanen berehalako dimisioa onartu duela jakinaraziz, oharra bidali du komunikabideetara.
Diputatu nagusiak irmoki gaitzetsi ditu gertakariak eta, adierazpen honen bidez, gogorarazi du bere gobernuak "urteak daramatzala lanean Gipuzkoaren eta foru-gobernu eredugarri baten alde, non horrelako jarrerek ez duten lekurik. Ez dute lekurik eta ez dute inoiz lekurik izango, ez lurralde osoan, ezta Aldundiaren gobernuan ere" berretsi du.
Olanok gogorarazi du Gipuzkoako Foru Aldundiak 2016an onartu zuela Erakundearen Zuzentasun Sistema bat, kode etiko batzuekin, Aldundiko kide guztiek eta goi kargudun publikoek nahitaez bete beharrekoa. "Kode horietan jasotako printzipioen argitan, bart gertatutakoak bezalako ekintzak guztiz onartezinak dira, edozein ordezkari publikoren portaerak ezinbestean bete behar dituelako integritatearen, eredugarritasunaren, bizikidetzaren eta errespetuaren oinarrizko printzipioak" dio oharrak.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.