Zein lege aldatuko ditu Feijook Espainiako Gobernuko presidente izatea lortuz gero?
Alberto Nuñez Feijoo PPren buruzagiak Pedro Sanchezen Espainiako Gobernuak onartutako ia dozena bat lege bertan behera uzteko asmoa du, gehienak, gizarte arlokoak, presidente izatea lortuz gero.
- Eutanasia Legea: PPk helegitea jarri zion bizitzarako oinarrizko eskubidea urratzen duela iritzita.
- Hezkuntza Legea (Celaa legea): "behetik parekatzen duelako, eta ez duelako bikaintasuna bilatzen", Feijooren esanetan.
- Sexu Askatasunaren Legea ("Bai bakarrik da bai" legea): Azken bi asteotan hor jarri du fokua Feijook, erasotzaile batzuen zigorrak arindu direlako legearekin. Legea aldatzeko eta Irene Montero Berdintasun ministroak dimisioa emateko eskatu du. PPk bere lege proposamena aurkeztuko du aurki Kongresuan.
- Sexu eta Erreprodukzio Osasunaren eta Haurdunaldia Borondatez Eteteko Legea (Abortu Legea).
- Trans pertsonen berdintasunerako eta LGTBI eskubideak bermatzeko legea (Trans legea).
- Zigor Kodearen Erreforma: Feijook hitzeman du sedizio delituak Zigor Kodean jarraituko duela, eta legez kanpoko erreferendum deialdia ere sartuko duela.
- Memoria Demokratikoaren Legea: bereziki kritikoa da Feijoo lege honekin. "Uste dut herrialde bateko Gobernuaren presidenteak ezin duela duintasuna galdu. Memoria eta demokrazia bateraezinak dira Bildurekin. 960 hilketa, 10.000 zauritu, 300 hilketa argitu gabe", adierazi zuen legea onartu zenean.
- Sekretu Ofizialen Legea: Genovan pentsatzen dute bazkideei men egiteko modu bat izan dela, horri esker erkidegoetako poliziek erabaki ahal izango dutelako zein informazio den sekretua.
- Animalien Ongizaterako Legea: Feijoo Moncloara iristen bada, bertan behera utziko du otsoak ehizatzeko debekua.
- Lan Erreforma: Cuca Gamarra PPren bozeramaileak iragarri zuen "motxila austriarra" ezarriko duela Gobernura iritsiz gero, langabezia eta pentsioak finantzatzeko.
- "Aberatsen zerga": PP energia enpresei, banketxeei eta aberats handiei zerga bereziak jartzearen aurka agertu da. Sanchezen proposamen fiskal horiek atzera bota nahi ditu, horien ondorioz aberatsek beste herrialde batzuetara ihes egingo dutela uste baitu.
Zure interesekoa izan daiteke
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
