Jose Luis Erezuma Alonsotegiko alkate ohia hil da
Jose Luis Erezuma Alonsotegiko (Bizkaia) alkate ohi jeltzalea hil da, 63 urte zituela.
Epaiketa zain zegoen Erezuma ustelkeria delituengatik. Joan den urrian bertan behera geratu zen Bizkaiko Auzitegian 2011 eta 2015 urteen artean Alonsotegiko alkate izandakoaren, eraikuntzako bi arduradunen eta bi teknikariren (seigarren akusatu bat hil egin zen) aurkako ustelkeria epaiketa, hain zuzen ere, alkate ohiaren osasun arazoengatik.
Diru publikoa bidegabe erabiltzeagatik, dirulaguntza publikoetan iruzur egiteagatik, faltsutzeagatik eta prebarikazioagatik egin beharreko epaiketa hori airean geratu zen, aurreikusitako datarik gabe.
Duela urtebete, akusatuak akordio batera iritsi ziren akusazioekin; iruzur egindako dirua itzultzea eta bi urteko espetxe-zigorra onartu zituzten. Hala, espetxean sartzea eta epaiketa saihestea lortu zuten.
Hala ere, akusatuek ez zuten ia milioi bat euroko ordainketa-egutegia bete, eta, beraz, auziak aurrera jarraitu zuen.
Akordio hartan, auzipetuek hitz eman zuten denen artean lapurtutako 681.000 euro itzuliko zutela, eta beste 200.000 euro interesetan. Gainera, prebarikazio delitua, dokumentuak faltsutzearena eta iruzurra egitearena onartu zituzten.
Azkenean bete ez zen akordio hori lortu aurretik, Fiskaltzaren txostenak zioen 2011n akusatuak ados jarri zirela eraikuntza-enpresa bati onura ekonomikoa emateko.
Hala, Udalak dirulaguntza eskatu zuen euriak eragindako ustezko kalteak konpontzeko, baina, egiaz, 2008an egindako obra batengatik Udalak zorra zuen enpresari ordaintzeko erabiliz zuen partida hori.
Zure interesekoa izan daiteke
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia ezarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox herrian egotea.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.