Podemos Euskadi, Ezker Anitza IU eta Aliantza Berdea koalizioan aurkeztuko dira maiatzeko hauteskundeetara
Podemos Euskadi, Ezker Anitza IU eta Aliantza Berdea alderdiak koalizioan aurkeztuko dira maiatzean egingo diren udal eta foru hauteskundeetara EAEn. "Aniztasunetik abiatuta" eta "momentuak eskatzen duen elkarlana" oinarri hartuta, "euskal ezkerraren hautagaitza bateratua izateko" asmoarekin sinatu dute akordioa.
Hala esan dute, gaur goizean, alderdi morearen Bilboko egoitza nagusian egin duten aurkezpenean. Pilar Garrido Podemos Euskadiren koordinatzaile nagusia, Iñigo Martinez Zaton Ezker Anitza IUren idazkari nagusia eta Juantxo Lopez de Uralde Aliantza Berdeko koordinatzaile federala agertu dira hedabideen aurrean, akordioaren xehetasunak azaltzeko. Hirurek ezkerreko gainerako euskal alderdiei koaliziora batzeko deia egin diete
Bere hitzartzean, Garridok esan du akordio hau "hasiera baino ez" dela, eta bidaide gehiago izateko lanean jarraituko dutela. "Batzeko eta Euskadin dugun espazio politikoa zabaltzeko ordua da. Ezkerreko zerrenda bateratua da horretarako bide egokiena", gehitu du.
Izenpetutako akordioan koalizioaren "oinarri politikoak" bildu dituzte, batetik, eta hauteskundeetan aurkeztuko dituzten zerrenden hurrenkerak, bestetik. Horren arabera, kasurik gehienetan, Podemos Euskadik izendatuko ditu zerrendaburuak, eta Ezker Anitza IUk, bigaren postuak.
EAEko ezkerreko gainerako alderdiekin hitz egiten ari direla gaineratu dute aurkezpenean.
Zure interesekoa izan daiteke
Garcia Ortizen prentsa burua: Ayusok "susmo-itzala" zabaldu zuen Fiskaltzaren gainean
Mar Hedok lekuko gisa deklaratu du astearte honetan Alvaro Garcia Ortiz Estatuko fiskal nagusiaren aurkako epaiketan; Gonzalez Amadorren abokatuak bere bezeroaren izenean Ogasunari iruzur egitea onartu zuen mezu elektroniko bat filtratu eta sekretuak zabaltzearen delitua egin zuelakoan ari dira epaitzen Garcia Ortiz.
Azaroaren 23an izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
PSNrekin akordioa lortuz gero, Iruñeko udalaren aurrekontuak "inoiz izan diren kontu zabalenak" izango direla adierazi du Asironek
Joseba Asironek argi esan du PSNrekin akordioa lortu eta Iruñeko udalaren aurrekontuak onartu egingo direla. Inoiz izan diren kontu zabalenak izango direla adierazi du Euskadi Irratian Asironek.
Albiste izango dira: Mazonen dimisioaren biharamuna, Ayusoren bikotekidea epailearen aurrean eta Bizkaiko DYAko presidente ohiaren aurkako epaiketa
Gaurkoan Orain-en albiste izango direnen laburpena, bi hitzetan.
Ayusoren bikotekideak eta Miguel Angel Rodriguez haren kabineteko buruak Estatuko fiskal nagusiaren aurkako epaiketan deklaratuko dute gaur
Auzitegi Gorenak Alvaro Garcia Ortizen epaiketaren bigarren eguna egingo du gaur, sekretuak ezagutaraztea egotzita. Alberto Gonzalez Amadorrek eta Miguel Angel Rodriguezek egingo duten deklarazioak izango dira eguneko hitzordu nagusiak.
PPk Voxen esku utziko du Valentziako Gobernuaren etorkizuna, Mazonen dimisioaren ostean
Presidentak karguari utzi du lur jota dagoela argudiatuta, baina diputatu izaten jarraituko du, eta forudun izaten ere bai. Hauteskunde-deialdirik ez dago mahai gainean, baina PPk Voxen babesa behar du hilabetea amaitu baino lehen Conselleko buruzagi berria izendatzeko.
Bilbok 751 milioi euroko aurrekontua izango du 2026an, aurten baino % 4,5 gehiago
Juan Mari Aburto Bilboko alkateak udal aurrekontuen proiektua aurkeztu du, herritarren "beharrizanekin koherentea eta jasangarria" dela iritzita. Santutxuko ertzain-etxe berria, Deustuko suhiltzaile-parkea eta Emakumeen Etxea dira aurreikusten diren proiektu handienetako hiru. Gainera, Segurtasuna, Etxebizitza eta Zerbitzu Publikoak izango dira aurrekontuen ardatzak, Aburtoren hitzetan.
GOIDIaren biktimak kalera atera dira justizia eskatzeko, dimisioaz haratago
GOIDIaren biktimak kalera atera dira berriro ere, dimisioaz haratagoko justizia eskatzeko. Euren ustez, berandu eta gaizki heldu da Carlos Mazonen dimisioa. Gainera, gaitzetsi egin dute presidentearen hitzaldiaren muina kalte materialak izan izana, bai eta bere burua kriminalizazioaren biktimatzat jo izana.
EH Bildu, Podemos eta ERC ez dira joango Kongresuan monarkiaren omenez egingo den ekitaldira
'50 urte geroago: Koroa demokraziarako bidean' goiburua izango duen ekitaldia hartuko du Kongresuak azaroaren 21ean. Bertan izango dira Espainiako errege-erreginak eta haien alabak.
UCOren ustez, Torres ministroak hainbat ordainketa agindu zituen, “Koldo Garciak harengan zuen eraginagatik”
Auzitegi Nazionalean 'Koldo auzia' ikertzen ari den epaileari bidalitako azken txostenean Koldoren eta Torresen arteko hainbat mezu jaso ditu Guardia Zibilak. Ministroaren taldeak, ordea, ukatu egin du deliturik egin zuela eta haren aurkako “difamazioa” salatu du.