Jaurlaritzak ETAren 52 biktimari aitortza egin die, 80ko hamarkadan gertatu eta argitu gabeko kasuetakoak
80ko hamarkadan "ETAren terrorismoaren zentzugabekeriagatik galdutako 52 bizitzak" gogoan hartu nahi izan ditu gaur Eusko Jaurlaritzak eta merezi duten aitortza egin die "Oroitzapen eta Aitorpenerako Koadernoak" delakoak emanda 52 biktima horietako 11ren senitartekoei. Txostenok Giza Eskubide, Biktima eta Aniztasun Zuzendaritzak prestatu ditu, Terrorismoaren Biktimen Elkartearekin lankidetzan.
Txostenak emateko ekitaldia egin dute goizean egin dute Gasteizko Villa Suso Jauregian. Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak "memoria duen etorkizuna" aldarrikatu du, "egiazko memoria" duena, hartara, posible izango da, horren ustez, "biktimei begietara begiratzea eta bidegabea izan zela onartzea".
"Oroitzapen eta Aitorpenerako Koadernoak" banatzen diren bigarren aldia da honakoa. Aurrez, lehen fase batean (2021eko abenduan), 1968-1979 aldiko argitu gabeko kasuenak bildu zituzten. Oraingoan, ETAk 80ko hamarkadan egin, baina argitu gabe dauden atentatuetako 52 biktimen informazioa bildu da.
Dokumentuetan ETAren terrorismoaren biktima horiek nortzuk izan ziren, nola bizi izan ziren eta nola hil zituzten jaso dute. Era berean, senideek Terrorismoaren Biktimen Elkartearen laguntzarekin emandako material grafikoa ere erantsi dute. Era berean, Iñigo Urkullu lehendakariak sinatutako agiri bat gaineratu dute txostenetan. Bertan, Jaurlaritzaren aitortza instituzionala "modu solemnean" jakinarazten zaio biktimaren familiari, egia eta justizia izateko eskubidea duten aldetik. Hilketa bakoitzaren bidegabekeria ere azpimarratzen du testuak.
11 biktimaren senitartekoek jaso dute gaurkoan txostena. Honako hauek dira: Alfredo Ramos Vazquez, 1980ko urtarrilaren 23an Trapagaranen (Bizkaia) eraila; Alfredo Diez Marcos eta Jose Martinez Perez-Castillo, biak urte bereko otsailaren 1ean Ispasterren (Bizkaia) erailak; Luis Martos Garcia, (Irun, Gipuzkoa, apirilak 16) Julio Santiago Exposito Pascual, (Sestao, Bizkaia, ekainak 20); Joaquin Becerra Calvente, (Amurrio, Araba, uztailak 2); Mario Gonzalez Blasco, (Eibar, Gipuzkoa, abuztuak 2); Antonio Garcia Argente, (Markina-Xemein, Bizkaia, abuztuak 20); Jose Ignacio Ustaran Ramirez, (Gasteiz, irailak 29); Carlos Garcia Fernandez, (Eibar, Gipuzkoa, urriak 7) eta Juan de Dios Doval Mateos (Donostia, urriak 31).
"Ez dago hilketa bat justifikatzen duen arrazoirik, ez kausa politikorik, ez ez-politikorik. Ez zegoen. Ez dago. Ez da egongo", adierazi du Melgosak. Sailburuak gogorarazi duenez, bihar Terrorismoaren Europako Eguna da, eta data ETAren terrorismoaren biktimak eta terrorismoaren beste adierazpen batzuen biktimak gogora ekartzeko baliatu du. "Hilketa guztiak bidegabeak, guztiz bidegabeak izan direlako. Izan ere, terrorismoaren biktimen ama, emazte, alaba eta ahizpa guztiek zergatik galdera egin diote beraien buruari, negar egin eta min bera sufritu dute. Eta ziur nago guztiek etorkizun bera nahi dutela: indarkeriarik gabeko eta bakezko etorkizuna", nabarmendu du.
Zure interesekoa izan daiteke
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.